Advertisement
 
 
 
 
 
 
 
 

Amakuru | Mu Rwanda

Abakanishi barangije kwiga muri EMVTC Remera ngo ntibateze guhura n’ubushomeri   

  Yanditswe na IMVAHO NSHYA
 August 2016

 
 

Ubuyobozi bw’ishuri ryigisha gukanika ibinyabiziga, EMVTC Remera ryo mu mujyi wa Kigali burahamya ko abanyeshuri 260 barirangijemo badateze kubura umurimo.

Ku ya 14 Kanama 2016 nibwo iri shuri ryahaye impamyabumenyi abarirangijemo ku nshuro ya gatatu, barimo abize imyaka 3, abize umwaka umwe n’abize amezi atandatu.

Umuyobozi w’iri shuri Nshimiye Jacques avuga ko nubwo bamaze imyaka itatu gusa, abanyeshuri bahavana ubumenyi buhanitse ku buryo nta waharangije ubura umurimo.

At:” Ishuri ryacu abanyeshuri bakaryitabira kandi no ku isoko ry’umuriro bakagaragaza umusaruro.“

JPEG - 150.7 kb
Abahawe impamyabumenyi bazi gukorogoshora imodoka ishaje bakayihindura urwembe

Nshimiye avuga ko mu kwakira abanyeshuri batavangura, ahubwo ko buri wese uzi gusoma no kwandika bamwigisha gukanika imodoka kuzitwara, n’Icyongereza.

Mu muhango wo gutanga izo mpamyabumenyi, Depite Bamporiki Edouard yasabye urubyiruko rurangije muri EMVTC kutazirara mu biyobyabwenge ahubwo bagatekereza imishinga ifatika, bakabyaza amahirwe yo kwiteza imbere leta y’u Rwanda iha urubyiruko.

Ati “Nimugira icyerekezo Leta abafitiye umugambi mwiza wo kubafasha mu iterambere ryanyu ndetse n’Igihugu. Uzishora mu biyobyabwenge azasigara abandi bashaka kubaka igihugu bakomeze iterambere ryabo kandi Leta ibafashe”

Yababwiye ko umuntu wese ufite intego atera imbere, ariko byose bigaterwa n’imyitwarire ye. Yitanzeho urugero, avuga ko yavuye kure aho bari batuye muri nyakatsi umuryango wose urara mu cyumba kimwe, ariko ubu akaba atuye mu gipangu gifite ubwinjiriro butatu.

Bamwe mu bahawe impamyabumenyi baganiriye n’Imvaho Nshya bahamije ko bamaze kubona imirimo bakiri ku ntebe y’ishuri kubera ubunararibonye bafite butuma abafite amagaraji babasamira hejuru.

Kuva ishuri ryatangira muri 2013, EMVTC Remera imaze kwakira abanyeshuri barenga 800, abagera kuri 587, barangije bahawe impamyabushobozi

 

Comments

 
 
Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.