Advertisement
 
 
 
 
 
 
 
 

Amakuru | Mu Rwanda

Abagore bo muri Guinea banyuzwe n’iterambere ry’uburinganire mu Rwanda   

  Yanditswe na TWAGIRA WILSON
 4 months ago

 
 

Itsinda rigizwe n’ihuriro ry’abadepite b’abagore bo mu Nteko ishinga Amategeko baturutse muri Guinea Conakry, bari mu Rwanda mu rugendoshuri, bakaba bashimye intambwe u Rwanda rumaze gutera mu guteza imbere abagore, ihame ry’uburinganire, ndetse n’ubumwe n’ubwiyunge.

Izo ntumwa za rubanda ziri mu rugendo shuri rw’iminsi ine mu Rwanda, zakiriwe na Visi Perezida wa Sena Hon Jeanne d’Arc Gakuba, ku mugoroba wo ku wa kabiri tariki 15 Ugushyingo 2016.

Aba badepite banyuzwe n’urwego uburinganire bugezeho mu rwanda nyuma yo gugobanurirwa uburyo umugore yahawe ijambo mu nzego zifata ibyemezo muri Leta, mu bukungu n’ahandi.

JPEG - 102.7 kb
Aba badepite biganjemo abagore banyuzwe n’uburyo abo mu Rwanda bahawe ijambo

Imibare y’Urwego rugenzura ihame ry’uburinganire (Gender Monitoring Office) yo mu 2014, igaragaza ko abagore mu bakozi ba Leta muri rusange ari 43.5% mu gihe abagabo ari 56.5%.

Ku Buyobozi bwa Ministeri, muri Gicurasi 2015 abagore bari kuri 40% n’abagabo 60%. Mu banyamabanga bahoraho, abagore bari 31.6% n’abagabo 68.4%. Muri ba Ambasaderi, harimo abagore 22.6% n’abagabo 77.4%; Abayobozi bakuru b’ibigo n’abanyamabanga Nshingwabikorwa (imibare ya 2014) harimo abagore 37.2% n’abagabo 62.8%.

Mu Nteko Ishinga Amategeko Umutwe w’Abadepite mu mwaka wa 2014, yagaragazaga ko abagore bari 64% n’abagabo 36%, mu gihe muri Sena abagore bari 38% n’abagabo 62%.

Ba guverineri b’abagore bararenga 60% mu gihe abagabo ari 40%, Abayobozi b’Inama Njyanama z’Uturere harimo abagore ku kigero kirenga 40.9% n’abagabo 59.1%, mu bayobozi b’uturere harimo abagore 16.7% n’abagabo 83.3%.

Abayobozi b’uturere bungirije bashinzwe iterambere ry’ubukungu barimo abagore 20% n’abagabo 80%, abayobozi b’uturere bashinzwe imibereho myiza abagore ni 76.7% n’abagabo 23.3%, muri za Njyanama z’uturere hakabamo abagore 45.2% n’abagabo 54.8%.

Mu Banyamabanga Nshingwabikorwa b’uturere harimo abagore 7% n’abagabo 93%, Abanyamabanga Nshingwabikorwa b’imirenge barimo abagore 11% n’abagabo 89%, mu gihe Abanyamabanga Nshingwabikorwa b’utugari barimo abagore 35% n’abagabo 65%.

JPEG - 79.1 kb
Ubwo bakirwaga mu Nteko Ishinga AMategeko y’u Rwanda batanze banahabwa impano

Ikigo cy’Igihugu kigaragaza ko muri serivisi z’imari ku bafite guhera ku myaka 18 kuzamura, abagore bizigamira ni 84% mu gihe abagabo ari 87%. Mu bakoresha amabanki, abagore ni 41% mu bagabo 56%, ariko iyo bigeze ku kwizigamira hifashishijwe ubundi buryo bw’imari, abagore ni bo benshi na 57% mu gihe abagabo ari 54%.

Dr Djéné Saran Camara umwe muri izo ntumwa yakomeje avuga ko bari mu Rwanda mu gukomeza umubano usanzwe hagati y’ibihugu byombi.

Visi Perezida w’Inteko ishinga Amategeko umutwe wa Sena Hon Jeanne D’Arc Gakuba, avuga ko kwakira intumwa zo mu bihugu bitandukanye ziza kwigira ku Rwanda, bigaragaza ko hari icyo rushoboye kandi rumaze kugeraho mu iterambere.

Ihuriro ry’abagore bagize Inteko Ishinga Amategeko muri Guinea Conakry rifitanye isano n’iryo mu Rwanda rya FFRP. Uretse u Rwanda andi matsinda ya bagenzi babo ari mu ngendo-shuri mu bihugu bya Senegal na Burkina Faso.

 

Comments

 
 
 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Polisi yafashe batandatu bacuruza ibiyobyabwenge mu turere dutandukanye
Polisi yafashe batandatu bacuruza ibiyobyabwenge mu turere dutandukanye

Mu gihe Polisi y’u Rwanda ikomeje imikwabu yo gufata no guhana abacuruza n’abinjiza ibiyobyabwenge mu Rwanda, kuri uyu wa mbere tariki ya 13 Werurwe yafashe abantu 6, ibafatira mu turere twa (...)

 Abaturage barasabwa kugana inzu zitanga ubufasha mu by’amategeko
Abaturage barasabwa kugana inzu zitanga ubufasha mu by’amategeko

Yankurije Odette, Umuyobozi mukuru muri Minisiteri y’Ubutabera ushinzwe kwegereza abaturage ubutabera, asaba abaturage kujya bagana ibiro bitanga ubufasha mu by’amategeko haba mu gihe gisanzwe no (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.