2017-06-22 17:42:31 clouds 27o High | Kigali Rwanda

Dukurikire:
 
 

Abagera ku bihumbi 70 banze kuriha imitungo bahamijwe muri Gacaca

Yanditswe na Claude Ntawitonda

Kuya 2016-04-15 16:18:27

 
Share on:
 
Yasuwe:68
 
Yavuzweho:200
 
10
 
10

Minisiteri y’Ubutabera yatangaje ko abantu bagera ku bihumbi 70 binangiye bakanga kuriha imintungo bari bakurikiranyweho n’Inkiko Gacaca zasoje imirimo yazo mu mwaka wa 2012.

Minisitiri w’Ubutabera akaba n’Intumwa nkuru ya Leta, Johnston Busingye, yasabye ko abanze kwishyura ibyo bangije mu gihe cya Jenoside yakorewe Abatutsi bakwiye gushyirwa ku mugaragaro maze ababuze ubwishyu bagahabwa ibihano nsimburgifungo.

Mu nama yahuje iyi minisiteri n’abayobozi bafite aho bahuriye n’ubutabera nka Ibuka, Inzu z’Ubutabera (MAJ), Comisiyo y’Ubumwe n’Ubwiyunge (NURC), CNLG, Minisiteri y’Ubutegetsi bw’Igihugu (MINALOC), n’abagize Urugaga rw’abahesha b’inkiko b’umwuga, hagaragajwe ko imanza zimaze imyaka 22 zitararangizwa ziteye inkeke ariko biterwa n’ubushake buke bwa bamwe bwo kuriha ibyo batsindiwe.

Minisitiri Busingye yasabye ko ikibazo cy’abatarishyura imitungo cyareka gutwarwa mu buryo bwa rusange, ahubwo buri rwego na buri muyobozi bakagaragaza uruhare rwabo kugira ngo Abarokotse jenoside yakorewe Abatutsi basubize uburenganzira ku byabo banyazwe.

Yagaragaje ko guhera mu mwaka wa 2012 hari imanza 12,000 za Jenoside zarangijwe kug ahato mu gihe izigera ku 15,000 ari zo zarangijwe ku bwumvikane ndetse hakabaho no kubabarirana.

Yakomeje agira ati “Hari ibibazo by’abafite amarangizarubanza ataraterwaho kashempuruza, turaza kubikurikirana; izitararangizwa zitagaragara no mu mashini bivuga ko hari abakibitse ayo madosiye mu ngo zabo, abatsinzwe bihishe bataboneka, vuba aha itegeko nirimara gusohoka abandi nka bo badashaka kwishyura ibyo bangije batsindiwe bazakora igihano nsimburagifungo.”

Umuyobozi ushinzwe ishami ryo kwegereza abaturage ubutabera Yankurije Odette, yagaragaje imibare y’ibimaze gukorwa ku irangizwa ry’imanza za Gacaca.

Yerekanye ko Intara y’Amajyepfo ari yo iza ku isonga mu kugira imanza nyinshi za Gacaca zitararangizwa kuko zigera ku bihumbi 31. Yasabyr ko inzego bireba zikwiye gufatanya icyo kibazo kikava mu nzira.

Umuyobozi wa Komisiyo y’Igihugu y’Ubumwe n’Ubwiyunge Fidèle Ndayisba, avuga ko hashyizweho komite muri buri karere igizwe na CNLG, Polisi, Komisiyo y’Ubumwe n’Ubwiyunge hagamijwe gushyira imberaga mu kugaruza imitungo ya Gacaca.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE