2017-09-25 08:13:20 clouds 27o High | Kigali Rwanda

Dukurikire:
 
 

Abafite ubumuga bazakora ibizamini bya Leta mu buryo bwihariye

Yanditswe na IMVAHO NSHYA

Kuya 2016-10-26 17:33:48

 
Share on:
 
Yasuwe:1
 
Yavuzweho:200
 
10
 
10

Mu gihe ibizamini bya Leta bisigaje iminsi mike ngo bitangire, Minisiteri y’uburezi iratangaza ko abafite ubumuga bagenewe uburyo bwihariye bazakoramo ibizamini bujyanye n’ubumuga bafite.

Nk’uko byasobanuwe n’Umunyamabanga wa Leta muri Ministeri y’uburezi ushinzwe amashuri abanza n’ayisumbuye, Munyakazi Isaac yavuze abanyeshuri bafite ubumuga bazahabwa umwanya munini uruta uw’abandi mu gihe cy’ibizamini bya Leta kandi bagahabwa uburyo bazakoramo bujyanye n’ubumuga bafite, ariko bagakora ibizamini nk’iby’abandi bakoze.

Yagize ati “ Abana bafite ubumuga bazakora ibizamini bisa n’iby’abandi ariko bahabwe uburyo bwihariye babikoramo bujyanye n’ubumuga bwabo, kandi ibizamini byabo muri ubwo buryo byarateguwe bitandukanye n’uko mu myaka yashize byashyirwaga mu buryo bwihariye bigeze ku ma santeri y’ibizamini.”

JPEG - 318.4 kb
MINEDUC ihamya ko uburyo bushya bwashyiriweho abafite ubumuga bugamije kuborohereza bakajyana n’abandi banyeshuri

Gasana Janvier, Umuyobozi mukuru w’Ikigo cy’Igihugu gishizwe uburezi (REB) yavuze ko ibizamini by’abafite ubumuga byamaze gutunganywa hakurikije ubumuga bafite, bikazagera kuri santeri babihabwa gusa nta kindi bikorewe.

Ati “Mu gihe abafite ubumuga bwihariye bashyirirwaga ibizamini mu buryo bujyanye n’;ubumuga bafite ibizamini bigeze ku masantere, ubu iki kibazo cyarakemwe kuko byakozwe mbere, bityo uzajyaha aha ikizamini umwana udafite ubumuga nagera k’ufite ubumuga nawe azamuha ikizamini yagenewe bitewe n’ubumuga afite.”

Yavuze ko ibikoresho byose bifasha aba bana byateguwe kare ku buryo nta mbogamizi n’imwe bazagira ndetse bakazanahabwa umwanya munini kurudsha abandi kuko badafite uburyo bwo kwihuta mu bizamini.

Mu cyiciro cy’amashuri abanza abazakora ibizamini bya Leta bisoza amashuri abanza ni 194 679, abazakora ibizamini bisoza icyiciro rusange (Tronc Commun) ni 91 492 naho abazakora ibizamini bisoza amashuri yisumbuye (A Level) ni 41 719.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE