Advertisement
 
 
 
 
 
 
 
 

Amakuru | Mu Rwanda

Abadivantisiti mu Rwanda bamurikiye Leta ibikorwa bya miliyoni zirenga 262   

  Yanditswe na Gisubizo Gentil M.
 May 2016

 
 

Abayoboke b’Itorero ry’Abadivantisiti b’Umunsi wa Karindwi bamuritse ibikorwa by’iterambere n’iby’ubugiraneza bakoze mu gihugu bifite agaciro ka miliyoni zisaga 262 z’amafaranga y’u Rwanda.

Ibi bikorwa byamurikiwe Minisiteri y’Ubutegetsi bw’Igihugu ku cyumweru tariki 22 Gicurasi 2016 byakozwe mu cyumweru cya mbere cy’amateraniro y’ivugabutumwa mpuzamahanga arimo gukorerwa ku masite arenga 2200 mu gihugu.

Aya materaniro yatangiye 13 Gicuransi ategerejwe kugeza ku ya 28 Gicurasi 2016; gahunda yo kumurika ibikorwa yabereye mu kagari ka Akanyirabigogo, Umurenge wa Kanzenze mu karere ka Rubavu.

Ibi bikorwa birimo inzu 122 zubakiwe abatishoboye n’izindi 302 zasanwe, inka 60 zorojwe abatishoboye, abana 17 bavuka mu miryango itishoboye bishyuriwe amafaranga y’ishuri, abarenga ibihumbi 12 bishyurirwa ubwisungane mu kwivuza n’ibindi.

Mbere yo kumurika ibyakozwe hakozwe umuganda wo gutunganya umuhanda wo mu gace kakamwe k’Umurenge wa Kanzenze hag mu bikorwa gahmijwe gushyira mu bikorwa gahunda bihaye yo kunganira abantu no kubayobora mu gakiza.

JPEG - 263.2 kb
Umuyobzi w’Abadivantisiti ku Isi Ted Wilson n’Umuyobozi w’Abadivantisiti mu Rwanda Hesron Byiringiro mu muhango wo kumurika ibimaze gukorwa

Umuyobozi w’Itorero ry’Abadivantisiti ku Isi Pst. Dr. Ted Wilson n’umufasha we ni bamwe mu babwiriza mu karere ka Rubavu; Dr. Ted Wilson yibukije Abanyarwanda kudahwema gukora neza anashimangira ko impamvu ahora yifuza kugenderera u Rwanda ari uko rufite umugisha bigoranye gusanga mu bindi bihugu byinshi.

Guverineri w’Intara y’Uburengerazuba Mukandasira Caritas, waje ahagarariye Minisitiri w’Ubutegetsi bw’Igihugu muri uyu muhango, yashimiye ubwitange bw’abayoboke b’iri torero mu Rwanda anashimangira ko ibikorwa bakora bishimangira umubano mwiza bafitanye na Leta.

JPEG - 279.9 kb
Muri uyu muhango, abakirisitu ndetse n’abandi baje nk’abashyitsi bari bakubise buzuye

JPEG - 294.7 kb
Ibikorwa byinshi byakozwe n’abakirisitu b’Abadivantisiti
 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.