Advertisement
 
 
 
 
 
 
 
 

Amakuru | Mu Rwanda

Abacuruzi nyarwanda 700 bibishije EBM barishyuzwa miliyari 12   

  Yanditswe na TWAGIRA WILSON
 1 week ago

 
 

Abacuruzi bagera kuri 700 batahuwe ko bakorana n’abakoresha utumashini twa EBM mu kunyereza imisoro ya Leta; Ikigo cy’Igihugu cy’Imisoro n’Amahoro (RRA) ivuga ko banyereje miliyari zisaga esheshatu z’amafarnga y’u Rwanda, ku buryo bazishyuzwa miliyari 12 z’amadanga y’u Rwanda zirimo n’ibihano.

Umuhuzabikorwa w’umushinga wa EBM (Electronic Billing Machine) mu Kigo cy’igihugu gishinzwe Imisoro n’amahoro (RRA) Mbera Emmy, yashimye imikoranire y’Ishami rya Polisi y’u Rwanda rishinzwe kurwanya magendu n’inyerezwa ry’imisoro (RPU) bakorana mu kazi ko kurwanya abashaka kunyereza imisoro ya Leta.

Ati “Nk’ubu tugiye kubishyuza miliyari 12 zisaga zikubiyemo n’ibihano, turasaba abaturage gukorana na RPU, hamwe n’Ikigo cy’imisoro n’amahoro kurwanya abakora magendu, ubu ayo banyereje yakabaye yarubatse ibikorwa remezo nk’amashuri, ibitaro n’ibindi bikorwa remezo bifitiye akamaro umuturage”.

Yakomeje atangaza ko ubaze ku gaciro k’ayo mafaranga miliyari esheshatu na miliyoni 700, yakubaka nk’ibyumba by’amashuri 160 cyangwa se ibigo nderabuzima 26, avuga ko bidindiza iterambere ry’igihugu.

Mbera yasabye ko imikoranire myiza hagati y’inzego zombi n’abaturage yakomeza, ndetse by’umwihariko abaguzi bakarushaho gusaba abacuruzi inyemezabuguzi za EBM kugira ngo habeho kurinda inyerezwa ry’imisoro.

JPEG - 68.7 kb
Abacuruzi 700 bakekwaho kunyereza imisoro barishyuzwa miliyari 12

Ishami rya Polisi y’u Rwanda rishinzwe kurwanya magendu n’inyerezwa ry’imisoro rikorera muri RRA, rivuga ko mu mezi ane ashize, ryagaruje amafaranga y’u Rwanda asaga miliyoni 400 yari kujya mu misoro.

Umuyobozi w’ishami rya Polisi y’u Rwanda rishinzwe kurwanya magendu n’inyerezwa ry’imisoro, CSP Sam Bugingo, yavuze ko iri shami rikora byinshi bijyanye no kurwanya abanyereza imisoro n’ubucuruzi bwa magendu.

Yagize ati “Nk’ubu kuva mu kwezi kwa Nyakanga kugera mu Ukwakira uyu mwaka, tumaze kugaruza amafaranga y’u Rwanda agera kuri miliyoni 413 z’imisoro. Dukora ibishoboka mu kurwanya ubucuruzi bwa magendu n’abanyereza imisoro ya Leta hirya no hino mu gihugu”.

Umuyobozi wa RPU, CSP Bugingo avuga kandi ko mu kwezi gushize, iri shami ryafashe amakarito 465 y’inzoga za Chief waragi zitujuje ubuziranenge n’abantu umunani kubera kudatanga inyemezabuguzi (EBM) bagamije kunyereza imisoro.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.