2017-07-23 11:30:24 clouds 27o High | Kigali Rwanda

Dukurikire:
 
 

Abacungagereza 71 basezerewe ku kazi

Yanditswe na IMVAHO NSHYA

Kuya 2016-07-11 14:34:44

 
Share on:
 
Yasuwe:1
 
Yavuzweho:200
 
10
 
10

Ikigo cy’Igihugu gishinzwe Imfungwa n’Abagororwa , RCS, cyasezereye mu kazi abacungagereza 71 bafite ipeti ritari iry’abofisiye kuri uyu wa 11 Nyakanga 2016.

Ni ubwa mbere iki kigo cyasezerera abacungagereza kuva cyahindurwa RCS, mu 2010. Mbere cyitwaga Service National des Prisons.

Mu muhango wo kubasezerera, komiseri mukuru wa RCS, George Rwigamba yabasabye kwitwara neza bageze mu buzima busanzwe ngo hato batazisanga mu mfungwa bahoze barinda.

Uyu muyobozi yabijeje ko bazababa hafi ndetse haboneka akandi kazi bashobora kubaha bakakabaha, ariko abasaba gukomeza umutima wo gukorera igihugu.

Bagiye guhabwa imperekeza z’ingana n’umushahara w’amezi 12 uko buri umwe yahembwaga bazanahabwe ibyo ubwiteganyirize bwabo bwabemereraga.

Abasezerewe bose bafite imyaka iri hagati ya 40 na 45, basezerewe hagandewe ku itegeko rigena ko umucungagereza utari umwofisiye asezererwa mu kazi ku myaka 40 na 45 ku bofisiye.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE