Advertisement
 
 
 
 
 
 
 
 

Amakuru | Mu Rwanda

Ababyeyi basinyiye imbere ya Minisitiri imihigo yo kurinda abana ubuzererezi   

  Yanditswe na UWIMANA DONATA
 4 months ago

 
 

Bamwe mu babyeyi bafite abana bakuwe mu muhanda basinyiye imihigo imbere ya Minisiteri w’iterambere ry’umuryango biyemeza kuzabarinda kongera gusubira mu muhanda.

Mu nama nyuguranabitekerezo yahuje inzego zitandukanye mu mujyi wa Kigali n’abaturage yigaga ku kibazo cy’abana b’inzererezi, yabaye kuri uyu wa 9 Nzeri 2016, hagaragajwe impamvu zituma abana bajya mu mihanda harimo amakimbirane mu miryango, ikibazo cy’amikoro, kutita ku bana, abana bagiye bashukwa na bagenzi babo n’ibindi.

Nyiraminani Marie Goretti, umwe mu babyeyi basinye iyo mihigo yabwiye itangazamakuru ko afite abana 6, umwe muri bo akaba yarakuwe mu muhanda akajya kugororerwa i Gitagata.

Yagize ati “Umwana mbere yo kujya i Gitagata namwoherezaga ku ishuri aho kugira ngo ajyeyo agahitira mu mujyi cyangwa Nyabugogo yashutswe n’abandi bana bo mu muhanda, saa sita iyo zageraga yaratahaga akambeshya ko yize kandi atagezeyo.”

Avuga ko umwarimu yamuhamagaye amubaza impamvu umwana atakiga, niba yaba yaramuhinduriye ikigo bigateza rwaserera akamwimurira ahandi.

Ati “Namujyanye ku kindi kigo cy’amashuri barambwira ngo ni ntegereze igihembwe gishire kuko cyari kigeze hagati. Ubwo muri uko gutegereza umwana yaje kuntoroka mutumye guhaha n’amafaranga yanjye arayatwara buracya mbona umwana ntaje. Ku munsi wa 2 ni bwo yambwiye ko bamutwaye i Gitagata”.

Kankundiye Marcelline umubyeyi w’abana 3 we avuga ko impamvu yatumye umwana we ajya mu muhanda byatewe n’uburwayi yari afite.

Ati “Mu gihe nari ndwaye umwana yasabaga se amafaranga yo kugura inkweto cyangwa ikayi akamukubita ubwo noneho akambaza ngo urabona ubu buzima tuzabubamo gute? Gusa njye nabaga nzi ko umwana yiga simenye ko yagiye kwishakira amafaranga yo kugura ibyo akeneye. Ubwo nagiye kumva numva yagiye kuba mu muhanda, baramufata bamujyana i Gitagata.”

JPEG - 197.7 kb
Minisitiri w’uburinganire n’iterambere ry’umuryango Dr Gashumba Diane (Foto Uwimana D)

Yakebuye abagabo avuga ko nabo bakwiye gukurikirana ubuzima bw’abana bwose kuko baba baramubyaye babishaka.

Umuyobozi wungirije ushinzwe imibereho myiza y’abaturage mu mujyi wa Kigali, Kanzayire Judith yagaragaje ko haba mu kigo cya Gitagata no mu bindi bigo, uturere tw’Umujyi wa Kigali ari two dufitemo abana benshi.

Mu kwezi gushize kwa kanama, Akarere ka Nyarugenge kari gafite abana 42 mu kigo cya Gitagata hatabariwemo abandi bari mu bindi bigo. Mu karere ka Kicukiro ho harimo abana 5, abandi bakaba barasubijwe mu miryango bakomokamo. Muri Gasabo ho bafitemo abana benshi bari mu kigo kuko bagera kuri 53.

Minisitiri w’iterambere ry’umuryango Dr Gashumba Diane yavuze ko kuba abagabo batererana abagore mu burere bw’umwana ari imyumvire mibi inzego zose zigomba guhagurukira.

Ati “Ndashishikariza ababyeyi bombi gufatanya n’ubwo baba batumvikana bafitanye amakimbirane umwana ni umuziranenge ntabwo agomba kuba ari we ugerwaho n’ingaruka z’amakimbirane ari mu ngo.”

Yakomeje avuga ko bitangaje kubona umubyeyi agera aho gusinya imihigo yo kurera umwana yabyaye, ariko icyiza Minisitiri abona ari uko imihigo basinye yagutse kuko harimo imihigo y’ubufatanye yo kugira ngo aho ababyeyi bumva bafite intege nke bagane ubuyobozi.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.