Advertisement
 
 
 
 
 
 
 
 

Amakuru | Mu Rwanda

85% by’abiciwe bagize ubutwari bwo kubabarira-Dr. Bizimana   

  Yanditswe na MUTUNGIREHE SAMUEL
 8 April

 
 

Ubushakashatsi bwagaragaje ko 85% by’abiciwe ababo muri Jenoside yakorewe Abatutsi mu 1994 bagize ubutwari bwo kwiyunga no kubabarira ababiciye.

Umunyamabanga Nshingwabikorwa wa Komisiyo y’Igihugu yo kurwanya Jenoside (CNLG), Dr. Jean Damascene Bizimana ubwo yagezaga ijambo ku bari bateraniye ku rwibutso rwa Jenoside ku Gisozi ku wa 7 Mata 2016 yagaragaje ko ikigero cy’ubumwe n’ubwiyunge mu Banyarwanda kiri ku ntera ishimishije ushingiye kuri ubu bushashatsi bwakozwe mu mwaka wa 2010.

Ibi Dr. Bizimana yabivuze ubwo abakuru b’ibihugu babiri, Perezida Paul Kagame n’uwa Tanzania Dr John Pombe Magufuli yifatanyaga n’Abanyarwanda n’abari bamaze gushyira indabo ahashyinguwe inzirakarengane no gucana urumuri rw’icyizere rumara iminsi ijana ku rwibutso rwa Kigali ku Gisozi.

JPEG - 129.4 kb
Dr. Bizimana Jean Damascène Umunyamabanga Nshingwabikorwa wa CNLG avuga ko ingengabitekerezo ya Jenoside igabanuka ( Foto Imvaho Nshya).

Dr. Bizimana yavuze ko mu Banyarwanda kugarura ubumwe n’ubwiyunge bitagarukiye aho yagaragaje ko abakoze Jenoside abenshi (83%) basabye imbabazi bakagaraza ko bafite ikimwaro cyo gukora amahano bahabwa imbabazi.

Ubushakashatsi buheruka gushyirwa ahagaragara n’iyo Komisiyo bw’umwaka wa 2015, bwagaragaje ko ingengabitekerezo ya Jenoside igihari ariko ko yagiye igabanuka ku kigero kiri hejuru cya 95% aho yavuye kuri 84% ubu kikaba kiri munsi ya 10% uno munsi, ibi bijyana n’ikigero cy’ubumwe n’ubwiyunge kiri hejuru ya 92%.

Yavuze kandi ko mu bushakashatsi bwakozwe na Minisiteri y’Ubutegetsi bw’Igihugu (MINALOC) mu 2002 bwagaragaje ko Jenoside yakoranywe ubugome bw’indengakamere buri ku muvuduko utarigeze uboneka ahandi ku isi aho mu minsi ijana hapfuye inzirakarengane z’Abatutsi 1 074 017. Bigaragara ko abantu 10,074 bicwaga buri munsi naho 1074 bakicwa buri munota.

Yavuze kandi ko mu gihe Abanyarwanda bakomeje inzira y’ubumwe n’ubwiyunge kugeza ubu hakiri ibihugu bigicumbikiye abahakana bakanapfobya Jenoside yakorewe Abatutsi mu 1994 birimo nk’u Bufaransa, igihugu cya Repubulika Iharanira Demokarasi ya Kongo n’u Burundi bigicumbikiye abakoze Jenoside mu Rwanda bibumbiye mu mutwe wa FDLR kandi bikaba bikibashyigikiye.

Dr. Jean Damascene Bizimana yashimye uruhare rw’u Budage rukomeje kugaragaza mu kwima umwanya abasize bakoze Jenoside ashimira intera bateye yo gucira imanza babiri muri bo.

Insanganyamatsiko yo kwibuka ku nshuro ya 22 igira iti “Twibuke Jenoside Yakorewe Abatutsi Turwanya Ingengabitekerezo ya Jenoside.”

 

Comments

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.