Advertisement
 
 
 
 
 
 
 
 

Amakuru | Mu Rwanda

73% by’acacukuzi b’amabuye mu Rwanda ntibagira amasezerano y’akazi   

  Yanditswe na TWAGIRA WILSON
 1 month ago

 
 

Minisiteri y’Abakozi ba Leta n’Umurimo (MIFOTRA) yatangaje ko umubare munini w’abakora mu bucukuzi bw’amabuye y’agaciro batagira amasezerano y’akazi mu gihe imirimo bakora ikunze kubonekamo ibibazo byinshi aho amasezerano ashobora kugoboka umukozi.

Iyi Minisiteri iravuga ko mu bakozi bakora mu bucukuzi bw’amabuye y’agaciro abagera kuri 73% batagira amasezerano y’akazi yanditse bahawe nabakoresha babo, mu gihe muri rusange ababarirwa kuri 46% badateganyirizwa ku buzima n’umutekano mu kazi.

Mu nama yateguwe n’iyi Minisiteri yateraniye i Kigali ihuza abkoresha bo mu mujyi wa, abagenzuzi b’umurimo n’abafatanyabikorwa mu rwego rw’umurimo barimo amasendika y’abakozi, bigiye hamwe ibijyanye n’iyubahirizwa ry’itegeko rigenga umurimo mu Rwanda.

Aba ni ho Umuyobozi muri Mifotra ushinzwe imigendekere myiza y’umurimo Twahirwa Alexandre, yibukije ko kutubahiriza itegeko rigenga umurimo byiganje muri serivisi z’ubucukuzi bw’amabuyenk’uko bigaragazwa n’igenzura bakoze muri 2015.

JPEG - 250.1 kb
Minisitiri wabakozi ba Leta Uwizeye Judith

Ubushakashatsi bwakozwe n’abagenzuzi b’umurimo ku buryo ibigo biri mu bucukuzi bw’amabuye y’agaciro byubahiriza itegeko ry’umurimo, byagaragaye ko abakozi bagifite byinshi bibabangamira mu kazi kabo ka buri munsi.

Ubu bushakashatsi bwakozwe umwaka ushize mu bigo 209 bibarizwa mu turere 27, aho basanze 27% by’abakozi ari bo bafite amasezerano y’akazi yanditse 46% ni bo bari barateganyirijwe, na ho 54% nta bwiteganyirize bari baratangiwe.

Iri genzura kandi ryasanze 56% bitubahiriza ibijyanye n’ubuzima n’umutekano w’abakozi mu kazi binyuze mu kubaha imyambaro n’ibikoresho byabugenewe.

Minisitiri w’Abakozi ba Leta n’umurimo Uwizeye Judith, asanga igihe kigeze ngo inzego zifite aho zihuriye n’umurimo zigire icyo zikora zifatanyije itegeko ry’umurimo ryubahirizwe hose.

Yashingiye ku bibazo bikigaragara mu bakozi n’abakoresha birimo gusyamirana, kutagenera abakozi mu masezerano y’akazi, kutabategenyiriza, kutabahemba kandi bakoze cyangwa gutinda kubahemba, gukoresha abana kuko bahembwa make, kutubahiriza ubuzima n’umutekano mu kazi, n’ibindi .

Yagize ati “Hakwiye kubahirizwa amasezerano rusange agenga umurimo kuko ari bwo umusaruro wiyongera.”

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.