2017-08-20 07:43:19 clouds 27o High | Kigali Rwanda

Dukurikire:
 
 

2020: Abanyarwanda bose bazaba bafite amazi meza ahoraho

Yanditswe na IMVAHO NSHYA

Kuya 2017-06-14 07:24:30

 
Share on:
 
Yasuwe:210
 
Yavuzweho:200
 
10
 
10

Minisiteri y’Ibikorwa Remezo (MININFRA) yatangaje ko yamaze kwemeza gahunda nshya ivuguruye y’amazi n’iy’isuku izatuma mu 2020 abaturage 100% bazaba bafite amazi meza ahoraho kandi ahendutse.

Umuyobozi ushinzwe igenamigambi muri MININFRA, Muzora Aimé, yavuze ko politiki yari isanzwe yo mu 2010 yagenaga uburyo bwo kugira amazi n’isuku bikomatanyije.

Yasobanuye ko ahunda y’Isi y’Intego z’iterambere rirambye (SDGs) isaba ko umuntu wese agira amazi mu rugo rwe, bityo bigasaba igihugu ko kugira gahunda izakigeza kuri izo ntego, Abanyarwanda bakabona amazi meza kandi ahoraho.

Muzora avuga ko ikibazo cy’ahantu mu gihugu hashobora kuba hatari amazi kandi hubatse imiyoboro y’amazi cyaturutse ku buryo bwa mbere butatumaga habaho kuramba kw’iyo miyoboro, ariko muri gahunda nshya y’amazi bikaba byaritaweho hifashishijwe ba rwiyemezamirimo.

Ati “Muri gahunda nshya, bigaragara ko hashyirwamo imbaraga zo gushyiraho abacunga imiyoboro, mu bice cyane cyane by’icyaro, ahenshi WASAC itageza ibikorwa byayo. Ni uburyo bwo kugira ngo imiyoboro yo mu cyaro igire uyicunga umunsi ku wundi, bituma idapfa n’iyo ugize ikibazo uwo muntu uwucunga ahita awukora na serivisi bahaga abaturage zigenda neza amazi agahoraho kandi ari meza.”

JPEG - 275.8 kb
Muzora Aimé, Umuyobozi ushinzwe Igenamigambi muri Minisiteri y’Ibikorwa Remezo (Foto MININFRA)

Yakomeje agaragaza ko iyo gahunda nshya yiyongera ku nganda z’amazi zimaze kubakwa mu Mujyi wa Kigali no mu ntara, zifasha Leta kongera amazi ku baturage bose.

Uturere tw’Umujyi wa Kigali two turagaragaza ko kugeza imiyoboro y’amazi ku baturage bigeze kure, uruhare runini rukaba rusigaye ku buryo bwo kuyageza mu ngo zabo.

Akarere ka Nyarugenge kavuga ko kageze ku kigero cya 92%, Akarere ka Kicukiro 80% mu gihe aka Gasabo kageze hejuru ya 80%.

Ku rwego rw’igihugu kugeza amazi meza ku baturage bigeze ku mpuzandengo ya 85%, gahunda nshya izuzuza ikigero gisigaye no kandi yibande ku kongera ibikorwa remezo byo kwita ku mazi yakoreshejwe.

MUTUNGIREHE SAMUEL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE