2017-06-24 05:01:57 clouds 27o High | Kigali Rwanda

Dukurikire:
 
 

Yaya Toure ashobora gusanga Mancini muri Inter de Milan

Yanditswe na IMVAHO NSHYA

Kuya 2016-05-18 08:35:16

 
Share on:
 
Yasuwe:1
 
Yavuzweho:200
 
10
 
10

Umukinnyi ukina hagati mu ikipe ya Manchester City ukomoka muri Cote d’Ivoire ashobora kuva muri iyi kipe akerekeza muri Inter de Milan itozwa na Roberto Mancini wigeze gutoza Manchester City.

Impamvu igenda ry’uyu mukinnyi w’imyaka 33 y’amavuko ririmo kugaruka mu itangazamakuru cyane ni uko kuva muri Kamena 2016, Manchester City izatangira gutozwa na Pep Guardiola wamwirukanye muri Barcelone muri 2010 aho yavuye ajya muri Manchester City.

Urubuga 90min.com ruvuga ko ushinzwe gushakira ikipe Yaya Toure, Dimitri Seluk yavuze ko bidasubirwaho umukinnyi we agomba kwerekeza muri Inter de Milan.

Iyi kipe ya Inter de Milan nyuma yo gusoza shampiyona ya 2015-2016 iri ku mwanya wa 4 umwaka utaha w’imikino irashaka kugura abakinnyi bafite ubunararibonye kugira ngo izitware neza.

N’ubwo Yaya Toure akina hagati mu myaka 6 yaramaze muri Manchester City yagiye abasha kuyitsindira ibitego. Kuva 2010-2016 yakinnye imikino 263 atsinda ibitego 72. Umwaka w’imikino 2015-2016 yakinnye imikino 42 atsinda ibitego 8 naho muri 2013-2014 ni ho yatsinze ibitego byinshi aho mu mikino 49 yatsinze ibitego 24.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE