Advertisement
 
 
 
 
 
 
 
 

Amakuru | Mu Ntara | Intara

Yashatse kwica uwarokotse Jenoside wamuciriye urubanza muri Gacaca   

  Yanditswe na Hakizimana Yussuf
 5 months ago

 
 

Nyirishema Michel, wo mu murenge wa Kigabiro mu karere ka Rwamagana, yashatse gutera icyuma umwe mu nyangamugayo z’inkiko Gacaca, nyuma y’amezi ane afunguwe arangije igihano cy’imyaka 19 yakatiwe ahamijwe gukora Jenoside yakorewe Abatutsi mu 1994.

Uyu mugabo avuga ko atemera uko urukiko rwaciye urubanza, akemeza ko umusaza Mbayiha Mathias uri mu kigero cy’imyaka 80 wari mu nyangamugayo za gacaca yamurenganyije.

Abaturage bo mu kagari ka Cyanya mu murenge wa Kigabiro, bavuga ko Nyirishema n’ubundi yahoraga yivovota ngo mu muryango wa Mbayiha ari abagome.
Umukobwa ukora muri farumasi ya muzehe Mbayiha mu yavuze ko Nyirishema yaje yigize umurwayi kugira ngo abone uko amwica.

Ati “Umuntu yaraje abwira muzehe ko afite ikibazo kandi ko ashaka ko yamurebera akamuvura, binjira mu cyumba bahageze umugabo akuramo ipantaro amwereka igitsina cye ariko yari yagisizeho umuti w’amenyo(colgate) undi agirango ni indwara arwaye naho yashakaga kumwica yahise akuramo inkota ayereka wa musaza aramubwira ngo uko byagenda kose aramwica muzehe yaratabaje ndinjira nsanga icyuma aragifite turakirwanira kintema intoki ebyiri.”

Akomeza avuga ko abaturanyi bahise bahurura bagatabaza uwo musaza bibagoye cyane. Umwe mu banyonzi batabaye witwa Kayinamura avuga ko bamaze kumucogoza bamushyikirije polisi.

Umuvugizi wa polisi mu ntara y’Uburasirazuba, IP Kayigi Emmanuel, avuga ko Nyirishema Michel we avuga ko atashakaga kumwica ahubwo ngo yashakaga kumubwira ko yamurenganyije dore ko yanamwerekaga impapuro yafungiweho n’izamufunguye.

Yakomeje asaba abaaturage kudakuka umutima ngo bumve ko byacitse kuko umutekano wabo urinzwe ashima abaturage badahwema gutabarana kuko bafashe iya mbere gutabara no kubuza uyu mugabo icyo yashakaga gukora.

Uyu mugabo akurikiranyweho cy’ubwinjiracyaha cy’ubwicanyi; ingingo ya 140 mu gitabo cy’amategeko ahana ivuga ko gihanishwa igihano cy’igifungo cya burundu.

 

Comments

 
 
Muhanga:Abahamwe n’icyaha cya Jenoside bireze banasabira imbabazi ibyaha bari barahishe
Muhanga:Abahamwe n’icyaha cya Jenoside bireze banasabira imbabazi ibyaha bari barahishe

Mu biganiro byateguwe muri iki gihe cyo kwibuka ku nshuro ya 23 Jenoside yakorewe Abatutsi, byahuje inzego z’umutekano n’iza Gereza ya Muhanga, bamwe mu bagororwa bahafungiye beruye bavuga ko hari (...)

Ngoma:Depite Nyirahirwa yakebuye ababyeyi babiba ingengabitekerezo ya Jenoside mu bana
Ngoma:Depite Nyirahirwa yakebuye ababyeyi babiba ingengabitekerezo ya Jenoside mu bana

Depite Nyirahirwa Veneranda, avuga ko bibabaje kuba hari bamwe mu bana bavutse nyuma ya Jenoside yakorewe abatutsi, bagacengezwamo inyigisho z’ivangura n’abo mu miryango bakomokamo. Yabwiye (...)

Bifuza ko urusengero rwiciwemo abatutsi 300 rwashyirwamo ikimenyetso
Bifuza ko urusengero rwiciwemo abatutsi 300 rwashyirwamo ikimenyetso

Abarokotse Jenoside yakorewe abatutsi mu cyahoze ari Mutura, ubu ni mu karere ka Rubavu, basaba ko urusengero rwa Bweramana rwiciwemo abatutsi barenga 300 rwashyirwaho ikimenyetso ndetse (...)

Nyabihu:Bamwe barakinangiye kwishyura imitungo bangije muri Jenoside
Nyabihu:Bamwe barakinangiye kwishyura imitungo bangije muri Jenoside

Abarokotse Jenoside yakorewe abatutsi mu karere ka Nyabihu, bavuga ko babangamiwe no kuba imyaka 23 ishize Jenoside ihagaritswe, ariko ngo imitungo yabo yangijwe muri icyo gihe ikaba (...)

Rusizi:Umwana w’imyaka 2 wari umaze icyumweru yarabuze yabonetse yarapfuye
Rusizi:Umwana w’imyaka 2 wari umaze icyumweru yarabuze yabonetse yarapfuye

Umurambo w’umwana w’imyaka 2 witwa Uwamahoro Claudine, watoraguwe mu ma saa kumi n’ebyiri n’igice z’umugoroba wo kuwa gatandatu mu mudugudu wa Ruganzu, akagari ka Mashyuza mu murenge wa Nyakabuye, mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.