Advertisement
 
 
 
 
 
 
 
 

Amakuru | Mu Ntara | Intara

Uzubaka mu kajagari azasenyerwa ibindi bize nyuma - Meya wa Rusizi   

  Yanditswe na BAHUWIYONGERA SYLVESTRE
 April 2016

 
 

Mu nama yahuje umuyobozi w’akarere ka Rusizi, abamwungirije n’abikorera ku giti cyabo, abubaka mu kajagari bongeye kwihanangirizwa, babwirwa ko hafashwe umwanzuro ko uzafatwa yubaka mu kajagari nta rundi rwitwazo azagira, azahita asenyerwa.

Ibi bivuzwe mu gihe uyu mujyi washyizwe mu mijyi ya 2 ikurikira umujyi wa Kigali mu bwiza no mu miturire, ukomeje kugaragaramo abitwikira amajoro, impera z’icyumweru cyangwa amakonji bakubaka mu kajagari baciye mu rihumye ubuyobozi.

Hari kandi ngo n’abegera inzego z’ibanze mu midugudu n’utugari bakaziha ‘bitugwukwaha’ ngo zibakingire ikibaba biyubakire mu kajagari, bwacya ukabona umuntu yinjiye mu nzu n’umuryango we ukayoberwa igihe yayubakiye, bashaka kubimubaza agatera amahane avuga ngo yubatse bari he.

JPEG - 170.3 kb
Umuyobozi w’akarere ka Rusizi Harelimana Frederic yibukukije abubaka mu kajagari ko batazihanganirwa

Iyi myubakire y’akajagari ngo itera ibibazo byinshi birimo kubangamira igishushanyo mbonera cy’umujyi wa Rusizi, kubaka inyubako aho zitagenewe, kubaka mu mihanda no gukomeza kubakwa inzu zidakenewe mu mujyi, umwanda n’akandi kajagari kose kajyanye n’imyubakire nk’iyi, ibi ngo bikomeje bikaba byabangamira imyubakire ijyanye n’igishushanyo mbonera cy’umujyi wa Rusizi.

Avuga kuri iyi myubakire y’akajagari, umuyobozi w’aka karere Harelimana Frédéric, yagize ati:“Hakomeje kugenda habaho urujijo muri iyi myubakire, aho uwubaka mu kajagari avuga ngo yubatse abayobozi babireba, kandi abo avuga baba babireba ari ba bandi aba yahaye akantu ngo yubake,bikabangamira imyubakire inoze dushaka mu mujyi, ikurikije igishushanyo mbonera cy’umujyi.

Nk’uko mumaze kukibona, tukaba twarafashe umwanzuro ko kuva ubu inzu izongera gufatwa yubatswe mu kajagari izahita isenywa nta yandi mananiza, ibyo bindi bikaza nyuma kuko ntitwakomeza kwihanganira imyubakire y’akajagari kandi dushaka ko umujyi wacu wihuta mu iterambere.”

Bamwe mu bayobozi ariko bagaragaje impungenge ko ibyavuzwe bitazashyirwa mu bikorwa uko byavuzwe, aho umunyamabanga nshingwabikorwa w’umurenge wa Kamembe, umwe mu mirenge y’umujyi, yagize ati:“Ko atari ubwa mbere ibintu nk’ibi bivugwa ndetse hagira uhinduka mu buyobozi bw’Akarere n’ibindi bigasubira inyuma ni iki cyatubwira ko noneho tutazasubira inyuma?”

Meya Harelimana yamusubije ko noneho byavuye mu magambo, kandi ko n’abaturage bakwiye kubimenya, uzubaka agasenyerwa ntazazane andi magambo, azamenye ko byafatiwe icyemezo mbere.

Ku bavuga ko guhindura umujyi bikwiye kugenda buhoro buhoro ntawe uhutajwe, Meya Harelimana yavuze ko kugenda biguru ntege ntaho byabageza, ko ahubwo bagomba kwihuta igishushanyombonera cy’umujyi kigashyirwa mu bikorwa vuba nk’uko cyemejwe.

Ikibazo cy’akajagari mu myubakire ntikibangamiye umujyi wa Rusizi gusa, kuko no mu yindi mijyi itandukanye mu gihugu kiri mu biteye impungenge abakurikiranira hafi iterambere ry’imijyi.

 

Comments

 
 
Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.