Advertisement
 
 
 
 
 
 
 
 

Amakuru | Mu Ntara | Intara

Uwasigajwe inyuma n’amateka arashimira Perezida Kagame   

  Yanditswe na NGABOYABAHIZI PROTAIS
 September 2016

 
 

Uwimbabazi Marie Chantal ni umwe mu basigajwe inyuma n’amateka utuye mu mudugudu w’Ubumwe n’ubwiyunge wa Susa, Akagari ka Ruhengeri, mu murenge wa Muhoza Akarere ka Musanze avuga ko ashingiye ku iterambere amaze kugeraho ashimira Perezida Paul Kagame, wakuye abasigajwe inyuma n’amateka mu icuraburindi ry’imibereho mibi babagamo.

Yifuza kwivuganira n’umukuru w’igihugu imbonankubone ngo amushimire kuko kutabimwibwirira yumva ko bitamugera ho uko ashaka.

Umudugudu w’Ubumwe n’Ubwiyunge uhereye mu kagari ka Ruhengeri, utuwe n’abarokotse Jenoside yakorewe abatutsi muri 1994, abakoze Jenoside bihannye bakemera icyaha bakanagisabira imbabazi n’abasigajwe inyuma n’amateka.

Uwimbabazi yagize ati “Kagame Paul yakuye abasigajwe inyuma n’amateka mu nyanja ikomeye, aho bararaga hasi bagacana mu nzu bararamo nayo idahomye, bagatungwa n’impu z’intama, bagafatwa nk’abantu batagira ubwenge, kuva u Rwanda rwabaho, abasigajwe inyuma n’amateka baranzwe no gusabiriza?”

JPEG - 180.8 kb
Uwimbabazi avuga ko inka yahawe imuha amata n’ifumbire ( Foto Ngaboyabahizi P)

Akomeza avuga y’aho Perezida Kagame abakuye mu mashyamba nko mu Birunga, na Nyungwe, ubu yabubakiye amazu meza y’akataraboneka afite ibikoresho byose.

Yagize ati “Ubu mfite inzu yanjye y’amabati n’amatafari, irimo amashanyarazi, ibintu bitabayeho mu mateka yacu, ubu mfite televiziyo ndeba amakuru yo hirya no hino mu gihe no gutunga aka radiyo kajyamo amabuye mato 2, bitari byoroshye, njye ndashimira Kagame rwose kuko ni we watumye dufatwa nk’abantu”.

Yongera ho ko mbere bajyaga babatumira ngo baze gukomba ibyansi, no kunywa amata y’amacunda ariko kuri ubu bafite inka za Kijyambere zibaha amata meza.

Yagize ati “Kagame mpuye na we namuhobera maze nkamumenyesha ko inka yampaye yanteje imbere kuko ku kwezi mbona amafaranga mvana mu mata atari munsi y’ibihumbi 30, nanyoye amata n’abana banjye, ifumbire nakuyemo urufaranga, mbese Kagame yadukoreye ibitangaza.

Ikindi gitangaje kuri njye ni uko ubu nsigaye nkora muri imwe mu mahoteri yo muri Musanze kandi nta Munyarwanda umvangura, gusa ndamutse mpuye na we nkamushimira natuza”.

Kuri ubu uyu mugore afite inka ya kijyambere aho ngo akama amalitiro 20 k’umunsi.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.