Advertisement
 
 
 
 
 
 
 
 

Amakuru | Mu Ntara | Intara

Uwari ‘mayibobo’ yahanze umurimo umwinjiriza ibihumbi 400 ku kwezi   

  Yanditswe na MAGARAMBE THEODORE
 May 2016

 
 

Umuturage witwa Ndikumana Fidele, wo mu kagari ka Kivumu, umurenge wa Gisenyi, mu karere ka Rubavu, yishimira ko gukunda umurimo byamufashije kwikura mu bukene yatewe no kumara igihe kinini ari umwana wo ku muhanda bita mayibobo, ubu akaba amaze kwiteza imbere ku buryo asigaye aha abantu akazi.

Nyuma y’imyaka 6 avuye mu buzima bwo mu muhanda, uyu mugabo ubu yishingiye inzu itunganya imisatsi ‘Salon de Coiffure’ yiyubakira inzu, ku buryo ubu asigaye aha akazi n’urundi rubyiruko.

Mu buhamya Ndikumana yahaye Imvaho Nshya, yatangaje ko Jenoside yakorewe abatutsi mu Rwanda yamusize ari imfubyi, nyuma aza kuba mayibobo kubera imibereho mibi.

JPEG - 169.7 kb
Ndikumana Fidele mu kazi (Foto: Magarambe Theodore)

Yemeza ko yamaze igihe kinini aba mu iyarara agatungwa n’ibyo kurya byaho, arara hanze, nyuma aza kubona akazi ko mu rugo ahembwa amafaranga 3000.

Aya mafaranga ibihumbi 3 ngo ntiyayahembwe igihe kirekire, kuko nyuma yaje kuzamurwa mu ntera gahoro gahoro agera ku mushahara w’ibihumbi 15 buri kwezi, arayizigamira aragwira, aba ari yo agira igishoro maze atangira umwuga wo gutunganya imisatsi.

Umwuga wo gutunganya imisatsi ngo yawukoranye umwete, abamugana abaha serivise nziza, ifaranga ririyongera, ndetse nyuma banki imugirira icyizere imuguriza amafaranga miliyoni 2, yagura ibikorwa bye.

Nyuma y’imyaka 6, uyu mugabo amaze kwiteza imbere ku buryo bufatika, ku buryo akoresha abakozi batandatu ahemba amafaranga nibura ibihumbi 40 umwe.

Ahereye ku nzira igoye yanyuzemo, Nkundimana ahamagarira urubyiruko kuvana amaboko mu mifuka bagakora, kuko kuba bariho ari cyo gishoro.

Yagize ati:“Ndasaba inzererezi, mayibobo, n’abandi kuva ibuzimu bakajya ibuntu, kuko ubu maze kwigurira inzu, nararongoye, buri kwezi ninjiza byibura amafaranga ibihumbi 400 000, kandi mfite inzozi zo kubaka inzu zigerekeranye.”

Mugabekazi Aline, umwe mu bahawe akazi n’uyu mugabo yagize ati:“Narangije kaminuza mbura akazi ariko ndasuka, nkanogosha Bosi akampemba umushara w’ibihumbi 45, nkaba nsaba n’abandi kudasuzugura umurimo.”

 

Comments

 
 
Rubavu: Abaturage bo mu Rugerero bijejwe kwegerezwa amazi meza vuba
Rubavu: Abaturage bo mu Rugerero bijejwe kwegerezwa amazi meza vuba

Ubuyobozi bw’umurenge wa Rugerero mu karere ka Rubavu burizeza abaturage batuye mu kagari ka Kabirizi katagira amazi meza ko bazayashyikirizwa nyuma y’ikorwa ry’umuhanda w’igitaka uhuza aka Kagari (...)

Guverineri Kazaire arasaba abagore gukora cyane kugira ngo u Rwanda rwigire
Guverineri Kazaire arasaba abagore gukora cyane kugira ngo u Rwanda rwigire

Guverineri w’Intara y’Iburasirazuba Kazaire Judith, yasabye abaturage kurangwa n’ubufatanye, gukora cyane kandi umusaruro w’ibyo bakoze bakamenya kuwuzigama kugira ngo iterambere ryifuzwa rigerweho. (...)

Rubavu:Umutekano yasanze mu Rwanda watumye yicuza icyatumye atinda gutaha
Rubavu:Umutekano yasanze mu Rwanda watumye yicuza icyatumye atinda gutaha

Faida Muhawe, umaze ibyumweru bibiri atahutse ava mu mashyamba yo muri Repubulika Iharanira Demokarasi ya Kongo, aravuga ko yatunguwe cyane n’iterambere n’umutekano yasanze mu Rwanda, ku buryo ubu (...)

Rusizi:Bamwe mu biyita abasirimu ntibarasobanukirwa akamaro ka Siporo
Rusizi:Bamwe mu biyita abasirimu ntibarasobanukirwa akamaro ka Siporo

N’ubwo abaturage bakanguriurwa gukora siporo kugira ngo babashe kubungabunga amagara yabo, abatabishoboye bakagira nibura umwanya wo kugenda n’amaguru bagakoresha umubiri wabo, hari bamwe mu biyita (...)

Ngoma: Ikiraro cyabahuzaga cyarasenyutse kidindiza ubuhahirane
Ngoma: Ikiraro cyabahuzaga cyarasenyutse kidindiza ubuhahirane

Abaturage bo mu ka kagari k’Akaziba, mu murenge wa Karembo, akarere ka Ngoma baturiye igishanga gihingwamo umuceri barasaba ubuyobozi ko bwafasha gusana ikiraro cyabahuzaga n’abo mu kagari ka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.