Advertisement
 
 
 
 
 
 
 
 

Amakuru | Mu Ntara | Intara

Urukiko rwanze ubujurire bw’umunyemari Mugambira, azaburana ari mu gihome   

  Yanditswe na VESTINE DUSENGUMUREMYI
 August 2016

 
 

Urukiko rw’ibanze rwa Bwishyura mu karere ka Karongi rwateye utwatsi ubujurire bw’Umunyemari Aphrodis Mugambira, rutegeka ko afungwa iminsi mirongo itatu y’agateganyo.

Mugambira avugwaho gushora abakobwa bamukorera muri Hotel Golf Eden Rock mu buraya. Ubushinjacyaha buvuga ko bumushinja icyaha cyo koshya no kuyobya abantu abashora mu busambanyi.

Abacamanza bavuze ko umwe mu bakobwa ugikora muri iyo hoteli yari watanze ubuhamya avuga ko Mugambira yamusabye guherekeza umukiriya akabyanga akamukubita urushyi, akajya gutakira mugenzi we amubarira amarorerwa yahuye nayo.

JPEG - 95.6 kb
Hoteli Golf Eden Rock ivugwamo ubusambanyi bukabije

Urukiko ruvuga ko nyuma yaho uwo mukobwa yaje kwivuguruza, agashinjura shebuja Mugambira avuga ko atakubiswe. Iperereza ariko ngo ryaje gusanga uwo Mugambira yaramuhaye amadorali 20 kugira ngo amushinjure.

Uku kwivuguruza kandi kugaragarira mu buhamya bw’uwo mugenzi we yatakiye amaze gukubitwa.

Ku bw’izo mpamvu, urukiko rw’ibanze rwa Bwishyura rwanzuye ko Aphrodis Mugambira afungwa iminsi mirongo itatu y’agateganyo kuko aramutse aburaniye hanze yabangamira iperereza.

Ibyaha aregwa bihumya yahanwa hagendewe ku ngingo ya 206 mu gitabo cy’amategeko ahana mu Rwanda ivuga ko “Umuntu wese ushishikariza, woshya cyangwa uyobya undi muntu mukuru n’aho yaba yabyiyemereye ashaka kumushora mu buraya, ahanishwa igifungo kuva ku mwaka umwe (1) kugeza ku myaka itatu (3) n’ihazabu y’amafaranga y’u Rwanda kuva ku bihumbi magana atanu (500.000) kugeza kuri miliyoni ebyiri (2.000.000) cyangwa kimwe gusa muri ibyo bihano.”

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.