Advertisement
 
 
 
 
 
 
 
 

Amakuru | Mu Ntara | Intara

Umuyobozi w’abanyonzi b’i Rwamagana yari akubitiwe mu nama   

  Yanditswe na HAKIZIMANA YUSSUF
 3 months ago

 
 

Abanyamuryango ba koperative y’abakora umwuga wo gutwara abantu ku magare (abanyonzi) bo mu murenge wa Kigabiro mu karere ka Rwamagana, barashinja ubuyobozi bwabo kubayobora nabi ndetse no gucunga nabi umutungo wabo, ibi bikaba byarabaye imbarutso yuko bashaka kumukubita wabo ubwo bari mu nama rusange ya koperative.

“Nimumuduhe ataducika…..nimumurekura arasubira iwabo ntabwo tuzongera kumubona……turambiwe agasuzuguro ke kandi abanze atwishyure ibyacu.” Aya ni amwe mu magambo yavugwaga n’abasore bikuye amashati, bavugaga ko bababajwe nuko ngo ubuyobozi bwabo ntacyo bubamariye ndetse bakaba batazi uko ibyabo bicungwa.

Bimwe mu birego bashinja ubuyobozi bwabo biravugwa na Niyigena Vedaste, ukorera ku iseta ya Rukomera.

Yagize ati:“Dufite ikibazo cy’abanyamuryango baza ku maseta bakavuga ko bishyuye amafaranga y’umusanzu mu ntoki za Perezida abo bantu turabafite n’urutonde rwabo turarufite.

JPEG - 217 kb
Abanyonzi barimo kubaza ibibazo bijyanye n’umutungo wa koperative yabo (Foto Hakizimana Y)

Hari amafaranga y’umwambaro twakwa 2500 nyamara iyo ukinjira muri koperative bakubwira ko amafaranga utanga nayo aba arimo ayo mafaranga ajya hehe?”

Undi munyonzi witwa Hakorimana Innocent nawe yagize ati: “Babanje kutubwira ngo ni ishyamba none bihindutse umurima, batubwira ko bawuguze miliyoni none ngo ni ibihumbi 600, ndibaza ngo koperative ni iyabo k’uburyo badufatira umwanzuro uko bishakiye?.

Ibyo avuga ko bishyurira abanyamuryango mituweri arabeshya ntabyo bakora, natubabarire yegure kandi abanze atwishyure ibyacu, ubu abantu b’abagabo bangana batya komite y’abantu 8 igiye kuduhindura injiji, hano harimo abantu bize barangije segonderi.”

Mudahinyuza Emmanuel, Perezida wa koperative y’abanyonzi wiyemerera ko atazi umubare w’abanyamuryango, akavuga ko ibibazo byatewe n’ubumenyi buke ndetse n’uburangare.

Yakomeje agira ati:“Iyo dukoze inama ikarangira nta mwanzuro ufashwe twe nka komite turicara tugahita dufata umwanzuro kuko akenshi abanyamuryango baba bigendeye mu kazi kabo, ubu rwose sinakwemeza ko koperative iri mu nyungu, oya iri mu gihombo, ariko cyatejwe na komite yabanjeho.”

Umuyobozi ushinzwe iterambere ry’amakoperative mu karere ka Rwamagana, Mukiza Ruzigura Moise, yemeza ko ntako atagize asaba ubuyobozi bwa koperative gutunga igitabo kigaragaza ishusho ya koperative, ariko ntibabikore, ndetse aba bayobozi bakaba badatanga raporo.

Iyi koperative yitwa Cotraverwa ikorera mu murenge wa Kigabiro mu gice cy’umujyi ndetse n’ibice bimwe byegereye umujyi biri mu mirenge ya Gishari na Muhazi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.