Advertisement
 
 
 
 
 
 
 
 

Amakuru | Mu Ntara | Intara

Umusaza w’i Musanze yihangiye umurimo umwinjiriza ibihumbi 100 buri kwezi   

  Yanditswe na NGABOYABAHIZI PROTAIS
 5 months ago

 
 

Umusaza Karubanda Mathias w’imyaka 57, utuye mu murenge wa Gataraga, akagari ka Rungu, mu karere ka Musanze, avuga ko yihangiye umurimo, ava mu buboshyi gakondo ajya mu bwa kijyambere.

Uyu musaza avuga ko mbere yabohaga ibitebo, inkangara n’ibisobane mu migano, ubu ngo bikaba bimwinjiriza amafaranga agera ku bihumbi 100 ku kwezi, gusa ngo aracyahura n’ikibazo cy’isoko.

Uyu musaza Karubanda yagize ati “Najyaga nzamuka mu birunga gushakayo imigano nabohagamo ibikoresho gakondo, birimo ibitebo n’inkangara, ariko nyuma byageze aho parike barayirinda, nsanga ntazabona uburyo bwo kuzabaho nk’umuntu usheshe akanguhe.

JPEG - 114.8 kb
Uyu musaza Karubanda ngo agiye gutangirana na bagenzi be abatoza umwuga( Foto Ngaboyabahizi P)

Nahisemo kwegera bamwe mu baboha udukapu mu migozi ya parasitike, maze nishyura ibihumbi 20, kugeza maze kubimenya”.

Akomeza avuga ko ibi ngo yabikoze mu rwego rwo kwirinda gusabiriza, ahubwo akihangira umurimo ubasha kumubeshaho ndetse byanamukundira agaha akazi abandi.

Yagize ati “Reba nawe ndashaje, kubona isabune ntibyanyorohera, kandi uko undeba nkenera agacupa, ntabwo rero nahora nsabiriza mu bana banjye n’abakazana, nta bwishingizi bwo mu zabukuru ngira, ubu nzaboha utu dukapu kugeza ntakibona”.

Akomeza avuga ko mu myaka 2 n’igice amaze akora uyu mwuga yakuyemo byinshi birimo isambu, akaba kandi ngo ari n’aho akura amafaranga yo kurihirira ishuri umwana we w’umuhererezi.

Kuri we agakapu kamwe ngo akagurisha amafaranga 2000, kandi nibura ngo mu cyumweru aba amaze kuzuza udukapu 6.

Umunyamabanga nshingwabikorwa w’akagari ka Rungu, Bazarama Esdras, yabwiye Imvaho Nshya ko uyu musaza ari intangarugero mu kagari atuyemo, ku buryo abandi baturage bamwigiraho nabi bakiteza imbere.

Yagize ati “Karubanda ni intangarugero mu bageze mu zabukuru, kuri ubu ahubwo n’abandi ubu twabakanguriye kumugana ngo abigishe, ubu icyo dukora ni ubuvugizi kugira ngo abone isoko ryaguye, kandi ndizera ko iki kibazo kiraba cyabonewe umuti mu ntangiriro z’Ugushyingo 2016”.

Kuri ubu ngo Karubanda afite abasaza bagera kuri 5, agiye gutangirana na bo kugira ngo babe bakorera mu ishyirahamwe, ariko ngo bazabanza kumuha amafaranga y’ishuri.

Karubanda agira inama abakiri bato kwitoza umwuga, kuko ngo uzi umwuga atabura amafaranga, atarinze kwirirwa ajya gusaba akazi.

 

Comments

 
 
Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.