Advertisement
 
 
 
 
 
 
 
 

Amakuru | Mu Ntara | Intara

Umugore w’i Rusizi yatemaguye mugenzi we amushinja kumwicira abana   

  Yanditswe na BAHUWIYONGERA Sylvestre
 2 months ago

 
 

Urayeneza Francoise w’imyaka 37 , yatawe muri yombi nyuma yo gutema agakomeretse bikomeye mugenzi we Nshutiyukize Valentine baturanye mu mudugudu wa Kirehe,akagari ka Hangabashi,umurenge wa Gitambi,muri aka karere ka Rusizi.

Umunyamabanga nshingwabikorwa w’ akagari ka Hangabashi, Kanakuze Vérène avuga ko mugore uri mu maboko ya polisi, sitasiyo ya Nyakabuye, mu karere ka Rusizi, asanzwe ashinja Nshutiyukize amarozi.

Urayeneza ngo avuga ko uwo muturanyi we yamwiciye abana babiri bapfuye bakurikirana mu myaka ishize. Mu ijoro ryo ku cyumweru, uyu Nshutiyukize yanyuze mu rugo rw’Urayeneza asohokana umupanga awumukubita mu gahanga ku bw’amahirwe ntiyapfa ariko arakomereka bikomeye.
Gitifu Kanakuze yongeyeho ko aba bagore babiri basanzwe babana n’abana babo gusa kuko Nshutiyukize yataye umugabo basezeranye naho Urayeneza akaba atagira umugabo uzwi.

JPEG - 124 kb
Abaturage bo mu murenge wa Gitambi basabwe guhangana n’ubugizi bwa nabi bukomeje kwigaragaza mu murenge wabo

Uyu muyobozi ahamya ko basanzwe bagirana ubushyamirane bukomeye bashinjanya amarozi.

Yagize ati’’ Basanzwe bashyamirana cyane ku buryo uretse no gukomeretsanya dufite impungenge ko bashobora no kuzicana, gusa uyu Nshutiyukize yatubwiye ko yifuza kubikemura yimuka akava muri uyu mudugudu akajya gutura ahandi afite ikibanza, Urayeneza Françoise akaba yahoraga avuga ko uyu mugenzi we amutera mu rugo akaza kuhamutukira.”

Urayeneza yabwiye ubuyobozi ko yamutemye ashaka kumushyiraho ikimenyetso gifatika ko ibyo avuga ari byo, cyane ko n’ubundi yari aje iwe.

Avuga ko irondo,abashinzwe umutekano n’abandi baturage ari bo baje barabakiza,iyo batahagoboka bikaba byashoboraga kurenga kumukoretsa akaba yanamwica,cyane cyane ko ngo yari yanamwiteguye ari ku kwezi habona neza.

Ibyo byabaga mu gihe kagari ka Gahungeri umugabo w’imyaka 56 yari amaze gutemagurwa n’abantu bataramenyekana ariko mu bakekwa harimo umuhungu we yibyariye.

Hari hatarashira icyumweru mu kagari ka Mashesha gahana imbibi n’utu tundi basanze umugabo w’imyaka 51 imbere y’uburiri bwe yapfuye urupfu n’ubu rutarasobanuka, ibi byose bikaba byateye icyoba mu baturage.

Mu nama y’umutekano yabaye mu kagari ka Gahungeri abayobozi banyuranye basabye abaturage guhangana n’izi mfu n’uru rugomo bikomeje gufata indi ntera muri uyu murenge, mu gihe kitarenze icyumweru, kuko bimaze gukabya.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.