Advertisement
 
 
 
 
 
 
 
 

Amakuru | Mu Ntara | Intara

Umugabo w’i Rusizi yahondaguye umugore we utwite amugira intere   

  Yanditswe na BAHUWIYONGERA SYLVESTRE
 5 months ago

 
 

Nsengumuremyi Jean Pierre w’imyaka 30, utuye mu mudugudu wa Wimana, akagari ka Kanoga mu murenge wa Nyakarenzo, yakubise umugorewe ufite inda y’amezi atatu, amugira intere ku buryo kugeza n’ubu ari mu bitaro.

Uyu mugabo yamukubitiye mu kabari bacururizamo, abaturage batabara, bahita bamujyana ku kigo nderabuzima cya Mibilizi aho amerewe nabi cyane.

Umunyamabanga Nshingwabikorwa w’uwo murenge, Uwamwiza Jeanne d’Arc, avuga ko uwo mugore witwa Uwambaje Odette afite 24, akaba amaze kubyarana inshuro ebyiri n’uwamukubise atwite inda ya gatatu.

JPEG - 166.6 kb
Aha ni ku kigo nderabuzima cya Mibilizi aho uwo mugore akurikiranirwa n’abaganga (Foto Bahuwiyongera S)

Avuga ko aya makimbirane amaze igihe mu rugo rwabo kuko ngo bahamagawe igihe kirekire bakaganirizwa ariko bikaba byarananiranye.

Yagize ati “Ayo makuru ni yo, uyu mugabo yahondaguye umugore we bikomeye mu ma saa mbiri n’igice z’ijoro tariki ya 09 Ukwakira ,bisaba ko uyu mugore inzego z’umutekano n’abaturage bamushyira mu ngobyi igitaraganya bamujyana ku kigo nderabuzima cya Mibilizi aho akomeje gukurikiranwa n’abaganga. Umugabo na we yahise atabwa muri yombi, ibye bikaba bigikurikiranwa, dore ko asanzwe n’ubundi afite imyitwarire itaboneye .’’

Uwamwiza avuga ko mu bihe bishize uyu mugabo yashatse no gukubita inzego zishinzwe umutekano ubwo zageraga kuri ako kabari ke saa tanu z’ijoro zigasanga yafungiranyemo abantu barimo banywa, mu gihe muri ayo mashaha bibujijwe kunywa inzoga, arihanangirizwa abwirwa ko niyongera gukora amakosa nk’ayo azabihanirwa.

Ati “Nyuma y’uko gushaka kurwanya inzego z’umutekano twaramuhamagaye tumuca amande, tunamubwira ko niyongera gukorera ibitari byo muri ako kabari tuzagafunga, none dore yakagiriyemo umugore we intere, tukaba twumva igisigaye ari ukugafunga, yakomeza gukurura ibikorwa by’umutekano muke, haba mu rugo iwe, haba no mu bandi bantu agafatirwa izindi ngamba ataragira uwo yambura ubuzima.’’

Uyu muyobozi avuga ko amakimbirane yo mu ngo akenshi aterwa n’ingeso y’ubusambanyi igenda ifata indi ntera na yo ikomeje kuba intandaro y’umutekano muke mu miryango inyuranye y’uyu murenge.

Ubuyobozi buri gufata ingamba , zirimo kugirwa inama mu mugoroba w’ababyeyi, ariko aho bazajya babona bikabije bazajya bahafatira ingamba amazi atararenga inkombe.

 

Comments

 
 
Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.