Advertisement
 
 
 
 
 
 
 
 

Amakuru | Mu Ntara | Intara

Uburere buboneye ni icyizere cy’umuryango- Jeannette Kagame   

  Yanditswe na UMUTONI BEATHA
 5 months ago

 
 

Madamu Jeannette Kagame arasaba ababyeyi gukomeza guha uburere buboneye abana muri rusange ndetse no gukomeza kwita ku mugore n’umwana w’umukobwa kuko ari byo gisubizo cy’umuryango mwiza w’ejo hazaza.

Ibi Jeannette Kagame yabitangajeku wa Gatandatu tariki 15 Ukwakira mu murenge wa Cyahinda, mu karerere ka Nyaruguru ubwo hizihizwaga umunsi mpuzamahanga w’umugore wo mu cyaro n’umunsi w’umwana w’umukobwa.

JPEG - 194.2 kb
Jeannette Kagame yibukije ababyeyi kwita ku burere bw’abana

Yasabye ababyeyi bose muri rusange gutanga uburere buboneye ku bana ndetse anasaba abakobwa gukorera ku ntego, kuko ngo kwita ku mugore ndetse n’umwana w’umukobwa ni cyo cyizere cy’umuryango mwiza w’ejo hazaza.

Yagize ati “Mwa bakobwa mwe nimukomeze mukorere ku ntego, ababyeyi namwe mwite ku gutanga uburere buboneye ku bana. Ikindi kandi ni ugukomeza kwita ku mugore ndetse no ku mwana w’umukobwa muri rusange ni byo bizatuma tugira umuryango mwiza ejo hazaza."

Nyirabazungu Eugenie umwe mu bagore bo muri uyu murenge wa Cyahinda mu buhamya yatanze yagaragaje ko kuba umugore wo mu cyaro asigaye yarahawe ijambo byamufashije gufunguka mu mutwe yiteza imbere. Nyirabazungu ngo kuri ubu umuryango we wanahisemo gufata umwana w’imfubyi amurera nkuwe ndetse n’umuryango we ukaba wanahawe igihembo nka malayika murinzi.

Mucunguzi Izere Joseline umwe mu bana b’abakobwa bafashwa n’Umuryango Imbuto Foundation, mu buhamya yatanze nk’umukobwa w’indashyikirwa yasabye abandi bakobwa kwihesha agaciro bagendera ku ndangagaciro zikwiriye umwana w’umukobwa w’umunyarwandakazi.

Mu rwego rwo kwita ku burere bw’umwana kandi ahabwa umuryango umubereye nk’uko insanganyamatsiko y’uwo munsi yavugaga ngo "Twubake umuryango ubereye umwana".

Muri uwo muhango wo kwizihiza umunsi mpuzamahanga w’umugore wo mu cyaro n’umunsi w’umwana w’umukobwa, hanahembwe ba malayika murinzi, abagore biteje imbere ndetse n’imigoroba y’ababyeyi yakoze neza kuruta iyindi muri buri murenge.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.