Advertisement
 
 
 
 
 
 
 
 

Amakuru | Mu Ntara | Intara

Uburengerazuba: Guverineri ahangayikishijwe n’abana bambara imyenda yanduye bikabije   

  Yanditswe na IYAREMYE YVES
 April 2016

 
 

Guverineri w’Intara y’Uburengerazuba Mukandasira Caritas, avuga ko bidakwiye ko umwana yambara umwenda wanduye umeze nk’umufuka utwarwamo ibirayi kubera umwanda, agasaba ababyeyi kwita ku isuku y’abana babo.

Atunga agatoki ababyeyi mu kugira uruhare mu gutuma abana babo bagira umwanda ukabije mu myambaro, agereranya no kwambara umufuka umaze imyaka utwarwamo ibirayi wuzuye ibyondo.

Mu kiganiro yagiranye n’abaturage bo mu murenge wa Bugeshi, Guverineri Mukandasira yagize ati:“Babyeyi, duhangayikishijwe n’ikibazo cy’abana bata ishuri ubu bagomba gusubizwa mu mashuri, ariko babyeyi mwari mwabona umufuka muhahiramo ibirayi? ese birakwiye ko abana bacu bajya birirwa bambaye imyenda yashaje, yuzuye ibitaka ku buryo atakwegera n’abandi, babyeyi isuku y’abana banyu iri mu nshingano zanyu.”

PNG - 1.1 Mb
Guverineri Mukandasira yasabye ababyeyi kwita ku isuku y’abana babo (Foto Iyaremye Y)

Mu murenge wa Bugeshi n’ibindi byaro byo mu karere ka Rubavu, haracyagaragara abana ku muhanda, akenshi bakunze kuba bagaragaraho umwanda haba ku mubiri ndetse no ku myambaro.

Umwe mu bana baganiriye n’Imvaho Nshya, yagaragaje ko kuba afite umwanda ukabije ku mubiri no ku myambaro, ahanini biterwa n’uko ababyeyi be baba batamukurikiranira hafi, kuko ngo ku myaka 12 afite ari we wimenya ku bijyanye n’isuku byose.

Yagize ati:“Ababyeyi bacu barabyuka bakajya guhinga, tukongera kubabona mu masaha y’umugoroba ntacyo bajya batubwira ku bijyanye no kwambara, natwe rero nta kundi twabigenza umwenda ushobora kuwambara n’umwaka uwirirwamo ukanawuraramo,wasaza ukajugunya.”

Inzego z’ibanze zo muri uyu murenge kimwe n’akarere ka Rubavu muri rusange zasabwe kugira uruhare mu kurwanya umwanda ugaragara ku bana, bigisha ababyeyi kwita ku nshingano zabo.

 

Comments

 
 
Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.