2017-07-22 11:46:59 clouds 27o High | Kigali Rwanda

Dukurikire:
 
 

Uburasirazuba:Inyunganizi ya Leta muri gahunda y’ifunguro rya saa sita ntiragera ku mashuri

Yanditswe na IMVAHO NSHYA

Kuya 2016-05-18 07:01:12

 
Share on:
 
Yasuwe:2
 
Yavuzweho:200
 
10
 
10

Impamvu ituma amafaranga 100 leta yemeye gutanga mu kunganira gahunda yo gufata ifunguro ku ishuri kuri buri munyeshuri, ataratangwa kugeza ubu ikomeje guteza urujijo mu Ntara y’Uburasirazuba.

Abayobozi b’ibigo by’amashuri bemeza ko bahora baka uturere aya mafaranga yo kunganira gahunda yo kugaburira abana ku ishuri, ariko ntibayahabwe, nk’uko byagaragajwe mu nama y’uburezi y’Intara y’Uburasirazuba iherutse kubera i Rwamagana.

Mu biganiro byahuje abashinzwe uburezi mu Ntara y’Uburasirazuba bari kumwe n’abayobozi bungirije b’uturere twose tw’iburasirazuba bashinzwe imibereho myiza, Intara hamwe n’abayobozi b’ikigo cy’igihugu gishinzwe uburezi REB, bagarutse kuri iki kibazo.

JPEG - 48.5 kb
Kugaburira abana ku mashuri bibafasha kwiga neza (Foto archive)

Umuyobozi wungirije muri REB Rutari Gerard, ku kibazo cy’amafaranga 100 leta yemeye kuzatangira abana bafite ababyeyi batishoboye kugira ngo bunganirwe ku kubona ifunguro rya saa sita bafatira ku ishuri, yagaragaje ko nta raporo n’imwe babonye iva mu turere ivuga ko ayo mafaranga batayabahaye.

Yagize ati:“Biravungwa ariko nta na hamwe akarere kigeze gatanga raporo ivuga ko batayabahaye, bayabimye, kugira ngo bagire icyo bakora ni icyo gusa nta kindi.

Niba byaravuzwe bifite aho byavugiwe n’uburyo byagombaga gukorwa, ni muri Minisiteri y’imari na Minisiteri y’uburezi, niba ba nyiri igikorwa bagombaga kwakira ayo mafaranga agomba kujya mu yandi mashuri niba bitarakozwe, niba bataragiye kuyasaba, mwagombaga kubaza uwatanze icyo gitekerezo, ubwo ni Minisiteri y’uburezi.Akarere nigasabe kabwire Minisiteri ko basabye amafaranga ntibayabaha.”

Bamwe mu bayobozi b’amashuri ndetse n’abayobozi b’uturere, bashimangiye ko aya mafaranga bayemerewe mu magambo gusa, ariko ntawe bayahaye.

Umwe mu bayobozi b’amashuri, yagize ati:“Hari amafaranga twemerewe ariko ntiturayabona kandi aya mafaranga yari ayo kudufasha mu kubonera abana ifunguro ku ishuri, twarabivuze mu karere nabo batubwira ko nta mafaranga barabona.”

Muri iyi nama nta muyobozi wungirije w’akarere n’umwe wemeje ko bandikiye Minisiteri y’uburezi ayimenyesha ko basabye amafaranga bakayabima.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE