Advertisement
 
 
 
 
 
 
 
 

Amakuru | Mu Ntara | Intara

Uburasirazuba: Ibitabo Leta igenera abanyeshuri birahunikwa ngo bidasaza   

  Yanditswe na HAKIZIMANA YUSSUF
 May 2016

 
 

Abayobozi b’ibigo by’amashuri n’abarimu badaha abanyeshuri ibitabo banga ko byasaza, bihanangirijwe, bibutswa ko impamvu bahawe ibyo bitabo ari ukugira ngo bikoreshwe.

Aba barezi bakeburiwe mu nama y’uburezi, yabereye ku biro by’Intara y’Uburasirazuba i Rwamagana.

Bibukijwe ko ibitabo bahabwa atari umurimbo, ahubwo ko bakwiye kubikoresha icyo babiherewe nk’uko byemezwa na Rutari Gerard, umuyobozi wungirije mu kigo cy’igihugu gishinzwe uburezi, REB.

Yagize ati:“Hari inkingi 3 z’uburezi, iya mbere ni ibikorwa remezo, amashuri ibi byo birahari n’ibindi bijyanye nabyo, icya kabiri ni ibikoresho, iwacu urebye ibitabo abanyeshuri bakoresha ubu twari tugeze ku gitabo kimwe mu banyeshuri babiri, icya gatatu ni abarimu.

JPEG - 96.1 kb
Hari bimwe mu bigo by’amashuri bihabwa ibitabo bikabihunika mu tubati ngo abanyeshuri batabishajisha

Ibi ni byo bya ngombwa kugira ngo tugere ku ireme ry’uburezi, ariko ibi byonyine ntibihagije kuko tugomba kuba dufite imicungire myiza yabyo.Ibyo bitabo barabibaha ngo mubikoreshe, hari aho usanga bavuga ngo simbibaha kugira ngo batabyonona, ntabwo uba utekereje neza bihagije.”

Rutari yakomeje agira ati:“Igitabo gifite ubuzima buri hagati y’imyaka ine cyangwa itanu, kimuhe agikoreshe gisaze bazaguha ikindi, aho kukimwima ahubwo ugasanga wagishyize mu kabati kugira ngo kitononekara nimubikoreshe icyo mwabisabiye.”

Umwe mu banyeshuri wiga ku kigo cy’amashuri abanza mu murenge wa Rubona, yagize ati:“Hari ibitabo tutabona ahubwo tugatizwa na bagenzi bacu iwabo babiguriye, hari umwana bigeze guha igitabo akigarura yagishushanyijemo kuva icyo gihe kugeza ubu ntabwo barongera kuduha ibitabo.”

Ababyeyi nabo bemeza ko batishimira uburyo abana badahabwa ibitabo ku ishuri, nyamara ngo bazi neza ko ibyo bitabo bihari.

Uwitonze Nasra, umubyeyi utuye mu murenge wa Muhazi, yemeza ko iyo agiye kugura ibikoresho agomba kugura ibitabo umwana azigiramo, dore ko yemeza ko bitoroshye nabyo kubibona ku isoko, naho biri bakaba babihenda.

 

Comments

 
 
Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.