Advertisement
 
 
 
 
 
 
 
 

Amakuru | Mu Ntara | Intara

Uburasirazuba:Hagiye kubakwa indi midugudu 7 imeze nk’uwa Rweru   

  Yanditswe na HAKIZIMANA YUSSUF
 August 2016

 
 

Mu ntara y’Uburasirazuba hagiye kubakwa imidugudu y’icyitegererezo yujuje ibikenewe byose, imeze nk’iyo mu karere ka Bugesera i Rweru, ahimuriwe abanyarwanda bahoze batuye mu birwa bya Mazane.

Umunyabanga nshingwabikorwa w’Intara y’Uburasirazuba Makombe Jean Marie Vianney, avuga ko bagiye kwigira ku mudugudu wa Rweru, muri gahunda ya Leta yo kubaka imidugudu y’icyitegererezo muri buri karere.

Yagize ati:“Ibi byaturutse ku cyemezo cyafashwe na komite y’inama y’umutekano y’Intara nyuma yaho byaganiriwe ku rwego rw’igihugu ko buri karere kagomba gushaka ingengo y’imari kakubaka umudugudu w’icyitegererezo wujuje ibyangomba byose nk’uwo muri Rweru watashywe na nyakubahwa Perezida wa Repuburika ku munsi wo kwibohora.”

Mu byo basuye muri uyu mudugudu w’icyitegererezo, harimo amazu 4 yubatse mu inzu imwe, ibiraro rusange, amashuri, ivuriro, ibibuga byo gukiniraho, amashanyarazi n’amazi ndetse n’ikoranabuhanga rigezweho, hamwe n’inzu mberabyombi abaturage bakoreramo inama, ku mugoroba bakareberamo amakuru kuri televiziyo rusange.

JPEG - 256.6 kb
Abayobozi b’uturere two mu burasirazuba ubwo bari mu mudugudu wa Rweru (Foto Hakizimana Y)

Umuyobozi w’akarere ka Rwamagana Mbonyumuvunyi Radjab, nk’umwe mu bayobozi b’uturere twasuye uyu mudugudu, yagize ati:

Twari dusanganywe imidugudu 2 y’icyitegererezo ariko itari ku rwego nk’uru haba ku micungire y’ubutaka n’uburyo bwiza bwo gutura.

Uyu ufite icyo urusha uwacu cyane cyane mu gukoresha ubutaka butoya, ikindi ni uko mu bushobozi bukeya abantu bashobora gukora ibintu byinshi atari uko wakoresheje imbaraga nyinshi n’ibintu bihenze cyane.

Gahunda yo kubaka iyi midugudu 7 igomba kurangirana n’ingengo y’imari ya 2016/2017, ariko ikazajyana na gahunda yo kwagura undi mudugudu muri buri karere.

Umuyobozi w’akarere ka Bugesera mu bunararibonye yasangije bagenzi be, yabasabye kuzahangana n’ikibazo cya bamwe mu baturage batazakira neza gahunda yo kwimurwa aho bari batuye, ikindi ngo ni ukubakuramo umuco wo kumva ko ubwo leta ibimuye igiye kubatunga igihe cyose.

Uyu mudugudu wa Rweru ufiteagaciro ka miliyari zisaga 3 ubariyemo ibikorwa byose byakozwe, muri rusange Intara y’Uburasirazuba ubu niyo Ntara ya mbere mu gihugu mu gutuza abaturage bayo mu midugudu, kuko ubu iri ku kigereranyo cya 92%.

 

Comments

 
 
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo

Abakozi bakora isuku mu nyubako y’ibiro by’Intara y’Uburasirazuba ikoreramo n’akarere ka Rwamagana, barasaba ubuyobozi kubakorera ubuvugizi rwiyemezamirimo ubakoresha akabishyura, kuko ngo bamaze (...)

Rusizi:Ba Agoronome bamaze amezi 7 bategereje moto z’akazi
Rusizi:Ba Agoronome bamaze amezi 7 bategereje moto z’akazi

Bamwe mu bagoronome n’abaveterineri bo mu karere ka Rusizi baravuga ko hari byinshi bikomeje kudindira muri serivisi baha abaturage bitewe nuko batabasha kubageraho, kuko moto batumije zimaze (...)

Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.