2017-06-28 15:02:12 clouds 27o High | Kigali Rwanda

Dukurikire:
 
 

Uburasirazuba:Akarere ka Kayonza ni ko kagaragaramo ubujura bwinshi

Yanditswe na IMVAHO NSHYA

Kuya 2017-03-25 07:43:50

 
Share on:
 
Yasuwe:1000
 
Yavuzweho:200
 
10
 
10

Akarere ka Kayonza ni ko ka mbere abaturage bagaragaje ko babangamiwe n’ubujura, nk’uko bigaragazwa mu bushakashatsi bwakozwe n’Ikigo cy’Igihugu cy’Imiyoborere (RGB).

Citizen Report Card (CRC), ni ubushakashatsi bukorwa buri mwaka hagamijwe kugaragaza igipimo cy’imiyoborere ibereye abaturage n’imitangire ya serivisi, hashingiwe k’uko abaturage babibona.

Abaturage bagenda babazwa ku ngingo zitandukanye, ku kibazo cy’ubujura ubu bushakashatsi bwagaragaje ko akarere ka Kayonza ariko karere ka mbere mu ntara y’Uburasirazuba kugarijwe n’ubujura.

JPEG - 208.9 kb
Prof Shyaka Anastase asobanura ibyavuye mu bushakashatsi (Foto Hakizimana Y)

Imibare igaragaza ko ku baturage babajijwe 91.6% bagaragaje ko babangamiwe n’ubujura.

Ubwo umuyobozi mukuru wa RGB Prof Shyaka Anastase yagezaga ku bayobozi bo mu ntara y’Uburasirazuba ibyavuye muri ubu bushakashatsi, ageze kuri iki kibazo cy’ubujura yagize ati:

“Uko abaturage babona ibibazo bihungabanya umudendezo wabo, ibintu by’ubujura, ibiyobyabwenge n’urugomo, uruhare rw’ubuyobozi mu kubikemura ruruta urw’abaturage. Iyo uvuze ubujura uturere twose turi hejura ya 80% usibye Kirehe nabo kandi ni 75%, ariko Kayonza 91.6%.

Ni ukuvuga ko aho ukandagiye hose ukandagira ubujura hasigaye abatagera ku 10% gusa batari mu bujura, biteye ubwoba, bashobora kuba ari bake ariko bakayogoza akarere, rero mufite ikibazo cy’ubujura gikomeye.”

N’ubwo bigaragajwe n’ubu bushakashatsi, abaturage bo mu karere ka Kayonza nabo bagaragaza ubu bujura nka kimwe mu bibazo bibabangamiye cyane.

Umwe muri aba baturage witwa Ziguma Jonas wo mu murenge wa Mukarange yagize ati “Ubujura buri inaha buteye inkeke abantu bariba bakiba no ku manywa, ubu abantu bose baba bafite impungenge iyo ugiye ku kazi wataha ugasanga batakwibye ushimira Imana, ikibabaje ni uko ubu bujura bwageze no mu giturage.”

Ubwo akarere ka Kayonza kakoraga inama yaguye y’umutekano yabereye mu murenge wa Mukarange, ubuyobozi bw’akarere bwagarutse kuri iki kibazo, ndetse mu mwanzuro wafashwe icyo gihe hemejwe koubujura budakwiye kwihanganirwa, ubufatiwemo akazajya ahanwa yihanukiriye.

Abaturage nabo basabwe gutanga amakuru ku nzego z’umutekano, bakavuga abo bakeka muri ibi bikorwa by’ubujura, inzego zibishinzwe zigakora iperereza, bahamwa n’icyaha cy’ubujura bagahanwa ku buryo ntangarugero.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE