2017-06-25 13:58:23 clouds 27o High | Kigali Rwanda

Dukurikire:
 
 

Uburasirazuba:Abayobozi basabwe gucika ku itekinika ry’imibare y’abatuye nabi

Yanditswe na IMVAHO NSHYA

Kuya 2016-05-12 08:03:14

 
Share on:
 
Yasuwe:1
 
Yavuzweho:200
 
10
 
10

Abayobozi bo mu ntara y’Uburasirazuba basabwe kwirinda gutekinika imibare y’abaturage batuye nabi muri iyi ntara, kuko byabangamira gahunda zo kubimura hagamijwe kubatuza neza.

Ibi aba bayobozi babisabwe mu nama yahuje abayobozi b’Intara, abayobozi b’uturere twose two muri iyi ntara bungirije bashinzwe iterambere, hamwe n’abakozi b’ikigo cy’igihugu gishinzzwe imiturire.

Muri iyi nama hagaragajwe ko imiturire ari ishingiro ry’iterambere ry’igihugu, ariko iyo ikozwe neza.

Kampayana Augustin, umuyobozi ushinzwe imiturire y’imijyi n’icyaro mu kigo cy’igihugu gishinzwe imiturire, yagize ati:“Igihugu cyacu kimaze kugaragara mu ruhando rw’amahanga ko ari igihugu gifite umurongo mwiza haba mu ikoranabuhanga haba mu mibare….. ntabwo rero ikintu cyazamo gutekinika twakishimira, ntabwo twabyishimira, ntibyaba ari byiza nibyo tuba tuganira.

Yakomeje agira ati:“Tumaze kureba imibare yatangwaga n’uturere igaragaza abatuye hanze ya site z’imidugudu, dukoze isuzuma mu turere tumwe mu ntara y’Uburasirazuba, twakoze Bugesera na Nyagatare tureba uburyo abantu batuye tuza gusanga imibare dufite inyuranye.

JPEG - 109.3 kb
Kampayana Augustin, umuyobozi ushinzwe imiturire y’imijyi n’icyaro mu kigo cy’igihugu gishinzwe imiturire

Turabasaba kugira ngo bumvikane ku mategeko n’amabwiriza, bikazatuma tugira imibare nyayo ituma dushingiraho iteganyamigambi ryiza.”

Abashinzwe imyubakire bagaragaje ko mu turere basuye nta mibare y’abaturage batuye mu manegeka bagaragarijwe, nyamara nyuma biza kugaragara ko hari abatuye mu manegeka.

Nko mu karere ka Nyagatare ngo hagaragaye abarenga 1400 batuye mu manegeka batari baramenyekanishijwe, naho mu karere ka Bugesera ho haboneka abaturage 54 biyongera ku mibare yari yatanzwe n’akarere.

Umwe mu myanzuro yafatiwe iki kibazo, harimo kumenya ingo na ba nyirazo batuye mu manegeka, bityo bikorohera gahunda zo kubimura ku buryo bwihuse, ariko hari igishingiweho cyavuye mu mibare mizima izaba yakozwe k’ubufatanye bw’inzego zose.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE