Advertisement
 
 
 
 
 
 
 
 

Amakuru | Mu Ntara | Intara

Uburasirazuba: Abadozi batangiye urugamba rwo guca ‘caguwa’   

  Yanditswe na HAKIZIMANA YUSSUF
 2 April

 
 

Abakora umwuga w’ubudozi(abatayeri) bo mu ntara y’Uburasirazuba batangiye gushyiraho inzego zibahagarariye, mu rugamba rwo guca imyambaro ituruka mu mahanga yarambawe izwi nka caguwa.

Nyuma y’amatora y’abahagarariye abadozi mu Ntara y’Uburasirazuba, abadozi baremeza ko iyi ari intambwe ya mbere bateye mu rugamba rwo kurwanya caguwa.

Binama Jean Paul, visi perezida w’ihuriro ry’abadozi ku rwego rw’igihugu yagize ati:“Hari abadozi bazi kudoda, ariko hari n’abandi batarabimenya neza.Niyo mpamvu hagiyeho iri huriro kugira ngo twese duhuze imbaraga abandi bagire ubumenyi buzatuma bakora umurimo wabo unoze.

Ihuriro ryacu rifite gahunda yo kuzakora uruganda rw’ubudozi, ruzadoda imyenda myinshi ishoboka k’uburyo twifuza ko muri buri Ntara hazajyamo uruganda rw’ubudozi.”

JPEG - 66 kb
Abanyarwanda basabwa gukunda imyambaro yakorewe iwabo

Ab’ibanze bazakorera mu ruganda ruzashyirwaho, ni abasanzwe bakora uyu mwuga w’ubudozi, dore ko abo bose bazaba bamaze kumenyekana umubare wabo, n’aho baherereye mu gihugu, biciye mu nzego bishyiriyeho.

Muri iyi minsi kandi hari abadozi bagiye guhugurwa mu gihugu cya Misiri ku buryo bakora imyenda nabo bakazaza kubyigisha bagenzi babo, nk’uko byemezwa na Binama.

Umuyobozi w’urugaga rw’abikorera mu Ntara y’Uburasirazuba Habanabakize Fabrice, yasabye abadozi kwita ku kazi kabo kugira ngo bafashe igihugu kugera ku ntego cyihaye yo guca caguwa.

Yakomeje agira ati:“Abadozi turabasaba kuba inyangamugayo ntibakomeze gushyirwa mu gatebo kamwe n’abafundi, kuko batubahiriza gahunda, ikindi ni uko bagomba gukunda umurimo bakora kuko ukozwe neza wabatunga, icya nyuma ni uko bubahiriza igihe.”

Bamwe mu badozi barambye muri uyu mwuga basanga leta y’u Rwanda yarahaye agaciro umwuga wabo, bityo nabo bakaba bagomba kubyaza umusaruro aya mahirwe babonye.

 

Comments

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.