2017-09-23 09:22:12 clouds 27o High | Kigali Rwanda

Dukurikire:
 
 

Uburasirazuba: Abana 80 bakuwe mu mihanda babura imiryango yabo

Yanditswe na IMVAHO NSHYA

Kuya 2016-09-01 09:35:17

 
Share on:
 
Yasuwe:1
 
Yavuzweho:200
 
10
 
10

Inama y’igihugu y’abagore iratangaza ko nyuma y’igikorwa cyo gukura abana mu mihanda mu ntara y’Uburasirazuba, ubu hari abana bagera kuri 80 babuze imiryango yabo.

Mu nteko rusange y’abagore yabereye mu karere ka Rwamagana aho aba bagore bibutswaga kwita ku nshingano bahawe, hagarutswe ku kibazo cyo gukura mu mihanda abana aho kigeze.

Umuyobozi w’inama y’igihugu y’abagore ku rwego rw’intara (CNF) Uwamahoro Jeanne yavuze ko mu ntara y’Uburasirazuba abana bose bakuwe mu mihanda ni 620 ariko muri abo, 80 babuze imiryango yabo bakaba bacumbikiwe mu kigo cy’i Kayonza.

Ati “Abagore bari gufatanya n’izindi nzego kugira ngo tumenye neza aho wa mwana yaturutse, tumenye niba ababyeyi be bahari ndetse n’icyakorwa kubera ko inama y’igihugu y’abagore igera ku mudugudu iki kibazo twakigize icyacu kandi aya makuru abafasha kuboneka ku bufatanye n’izindi nzego bwite za leta aba bana bashobora kubona imiryango yabo, turacyakomeza gushakisha amakuru neza kuko haba hari abaturutse kure bikaba bitoroha ngo amakuru aboneke”.

JPEG - 49.7 kb
Leta y’u Rwanda yiyemeje kuvana abana bose mu muhanda

Bamwe mu babyeyi baganiriye n’Imvaho Nshya basaba ko igihe abo babyeyi bamenyekanye bakwiye kuzanengerwa mu ruhame.

Kamariza Joana ni umuturage wo mu karere ka Rwamagana yagize ati “Hari abana wabazaga impamvu baba mu mihanda bakakubwira ko batazi iwabo akenshi barazaga bakurikiye abaje kurema isoko yahagera ntasubireyo, gusa igihe bazajya bamenyekana abo babyeyi bakwiye kugayirwa mu ruhame kuko basebya ababyeyi b’u Rwanda nta mubyeyi wamara kabiri atazi aho umwana we ari, ibi biragayitse rwose”.

Ubuyobozi bw’inzego z’ibanze bwemeza ko igikorwa cyo gukura abana mu mihanda bagashyikirizwa imiryango yabo cyagenze neza nubwo bwose hatabuzemo imbogamizi nk’izo zituma ubu hari abana basaga 80 barererwa mu kigo kuko imiryango yabo itazwi cyangwa bayibuze.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE