Advertisement
 
 
 
 
 
 
 
 

Amakuru | Mu Ntara | Intara

Uburasirazuba:Abakozi ba Leta bigira ‘kagarara’ basabiwe gukurikiranwa   

  Yanditswe na HAKIZIMANA YUSSUF
 May 2016

 
 

Abayobozi b’inzego zitandukanye za Leta barasabwa gukurikirana abakozi bata akazi uko bishakiye kandi bafite amasezerano y’akazi, ndetse na bamwe bigira ba kagarara biturutse ku mpamvu zitandukanye.

Ibi ni bimwe mu byaganiriweho i Rwamagana, mu nama yari yahuje abakozi, abayobozi b’Intara y’Uburasirazuba n’abayobozi bungirije bashinzwe iterambere mu turere twose tugize iyi ntara.

Muri iyi nama hagaragajwe hari aho leta igushwa mu gihombo n’abakozi bayo kandi ntibakurikiranwe, ndetse hakaba n’abahembwa badakora, nk’uko byagaragajwe muri zimwe mu ngero zagaragajwe.

JPEG - 360.3 kb
Uwibambe Consolee (Foto archive)

Umuyobozi wungirije ushinzwe amajyambere mu karere ka Kayonza, Uwibambe Consolee, yagize ati:“Mu karere kacu dufite ikibazo cy’umukozi wari wareze akarere ko kamwatse umwanya wo kuba umuyobozi w’ikigo cy’amashuri kuko nta mashuri yari afite ahagije, nyuma twasabwe kumusubiza mu kazi aba Umunyamabanga Nshingwabikorwa w’akagari.

Kuva yajyaho ntagera ku kazi, ntiwabona telefone ye niyo umwandikiye ntiwabona uwo uha ibaruwa wamwandikiye, kandi nyamara umuvuze agaragaza ko ari ukumuhohotera kuko yagaruwe mu kazi atsinze leta bikaba bisa nko kumugendaho.”

Hategekimana Danny, Perezida w’urukiko rwisumbuye rwa Nyagatare, yagize ati:“Nk’umuntu ukunze guhura n’izi manza kenshi, ni amahirwe ngize yo kubabona.

Akenshi izi manza ziza ibiregerwa ari ibintu bitatu, kwirukanwa nta mpamvu, kwirukanwa mu buryo budakurikije amategeko, icya gatatu ni indishyi.

Ko tubona bakozi barega leta ko tutarabona leta yo iri kurega umukozi? kandi nayo ni umukoresha twagombye gutera intambwe n’iyo nayo tukayigeraho.”

Umunyamabanga Nshingwabikorwa w’Intara y’Uburasirazuba Makombe JMV, mu kiganiro n’abanyamakuru yagize ati:“Byagaragaye ko hari amafaranga makeya yagiye uturere tugomba kugaruza, abakozi bagiye batsindwa inkiko zigasaba ko amafaranga atangwa.Ni ikibazo gikwiye gukurikiranwa kuko ibyemezo by’inkiko bikwiye kubahirizwa.”

Abayobozi bagiriwe inama ko abakozi bigize ba kagarara bakwiye guhanwa hakurikijwe amategeko, ariko nabo basabwa kwirinda gushora leta mu manza zishobora kuyigusha mu gihombo.

 

Comments

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.