2017-06-25 11:03:04 clouds 27o High | Kigali Rwanda

Dukurikire:
 
 

U Rwanda rwasubije Congo umusirikare wayo waruyobeyemo

Yanditswe na IMVAHO NSHYA

Kuya 2016-10-12 13:49:02

 
Share on:
 
Yasuwe:5
 
Yavuzweho:200
 
10
 
10

Bananga Bukware, wo mu ngabo za Repubulika Iharanira Demokarasi ya Congo ufite ipeti rya Sous-Lieutenant, wafatiwe mu Rwanda yarenze umupaka yashikirijwe ingabo zishinzwe gucunga imipaka y’ibihugu byombi, EJVM, kuri uyu wa 12 Ukwakira 2016.

Uyu umusirikare wa FARDC yafatiwe mu ahazwi nka Kanyesheja mu mudugudu wa Kamboyi,akagari ka Rusura umurenge wa Busasamana mu karere ka Rubavu ku wa cyenda Ukwakira ahagana mu ma saa yine z’ijoro.

JPEG - 99.5 kb
S. Lt Bananga yasubijwe iwabo amahoro

Sous Lieutenant Bananga yatangarije Imvaho Nshya ko hari mu masaha y’ijoro yatinze gutaha ubwo yari avuye kubonana n’abayobozi be akayoberwa uko yageze mu butaka bw’u Rwanda.

Ati ”Natashye nkerewe nyoberwa uko narenze imbibi kuko naharenze metero eshanu nta kindi nari ngambiriye ni ukuyobora imbibi gusa.”

Yemeza ko mu minsi igera kuri ine amazemu Rwanda yafashwe neza akaba yemera gusubira iwabo amahoro.

Lt Col Cassius James wari uhagarariye ingabo z’u Rwanda muri icyo gikorwa, yemeza ko uyu musirikare yafatiwe ku butaka bw’u Rwanda mu masaha y’ijoro kubera kuyoba akemeza ko afite imbunda n’amasasu.

Ati ”Uyu musirikare yafatiwe ku butaka bwacu kubera kuyoberwa aho ari kunyura bwari bwije cyane,twamufatanye imbunda yo mu bwoko bwa 01 AKM 47, nomero 4340 afite na magazine ebyiri n’amasasu 40,twaramwakiriye duteganya kumushyikiriza ingabo za EJVM cyane ko dufitanye imikoranire myiza.”

JPEG - 139.2 kb
Ingabo za EJVM nizo zakiriye uwo musirikare

Col Fulbert OKANDZA uhagarariye ingabo za EJVM yishimiye kwakira umusirikare ufite ipeti mu ngabo za FARDC avuga ko bishimangira imikoranire myiza n’ingabo z’u Rwanda.

Yagize ati “Turashima umubano n’imikoranire myiza dufitanye n’ingabo za RDF ibi bikunze kubaho ko abasirikare ba Congo bayoberwa imbibi ariko turashima uburyo nk’ubu bwo guhererekanya ingabo.”

Si ubwa mbere igikorwa nk’iki kibaye kuko bikunze kubaho ko abasirikare ba ba FARDC bayoberwa imbibi bakisanga ku butaka bw’u Rwanda bamwe bagasubizwayo.

Gusa hari umusirikare witwa Caporal Mambo Vert wanze gusubirayo ubwo yasabaga kuba yibereye mu Rwanda kubwo guhunga abayobozi be bamwambuye .

Lt Col Cassius James yemeza ko abayeho neza mu Rwanda hategerejwe umwanzuro uzafatwa na EJVM iri mu biganiro n’ingabo za FARDC.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE