Advertisement
 
 
 
 
 
 
 
 

Amakuru | Mu Ntara | Intara

Sena irakeka ruswa mu bakozi bashinzwe gutera intanga amatungo   

  Yanditswe na MUHIZI ELISÉE
 1 month ago

 
 

Komisiyo ishinzwe iterambere, ubukungu n’imari mu nteko ishinga amategeko, umutwe wa Sena, iravuga ko hari bamwe mu bakozi bashinzwe ubuvuzi bw’amatungo baka ruswa abarozi kugira ngo batere intanga amatungo yabo.

Senateri Prof Karangwa Chrysologue yavuze ko hari igenzura bakoze ku rwego rw’uturere basanga abakozi bashinzwe ubuvuzi bw’amatungo (Vétérinaires) basaba ruswa aborozi kugira ngo batere amatungo yabo intanga.

Senateri Prof Karangwa avuga kandi ko hari n’abatinyuka bakayaka abari ku rutonde rw’abatishoboye bahawe inka n’Umukuru w’igihugu muri gahunda ya Girinka, basanzwe bari mu cyiciro cya mbere n’icya kabiri by’ubudehe barihirirwa mituweli na Leta.

Yagize ati:«Igitangaje ni uko aba bakozi basanzwe bahembwa na Leta buri kwezi ariko bakaba batanyurwa n’umushahara bakarenga bakaka abaturage ruswa.»

JPEG - 258.7 kb
Guteza intanga inka bisaba kwishyura Veterineri kandi ahembwa buri kwezi

Munyezamu Gadi, umukozi ushinzwe ubworozi mu Karere ka Muhanga, yemera ko ibyo aba basenateri bavuga ari ukuri, akavuga ko hari n’abasaba abaturage amafaranga y’urugendo mbere yo kubaterera intanga, akavuga ko bitwaza ko nta buryo bashyiriweho bwo kugera aho abarozi batuye.

Cyakora akavuga ko ibi bitakwiye kuba impamvu yo kwaka ruswa abarozi ahubwo ko bagombye kubikora kuko biri mu nshingano zabo.

Senateri Bajyana Emmanuel, avuga ko ubuyobozi bw’Akarere bukwiye kureba uko bworohereza abakozi bashinzwe ubuvuzi bw’amatungo kugira ngo babone uko bagera ku borozi, akavuga ko bitumvikana kubona umukozi uhemberwa ukwezi yaka ruswa umuturage w’umukene kuko yahawe inka kubera ibibazo by’ubushobozi buke.

Kugeza ubu hari raporo yakozwe yerekana abakozi mu nzego z’ibanze bagiye bagira uruhare mu irigiswa n’itangwa ry’izi nka kuko hari abaturage bavugaga ko abazihawe ari abo zitari zigenewe.

Umworozi wese ngo atanga ibihumbi bitanu by’amafaranga y’u Rwanda kugira ngo atererwe intanga, rimwe na rimwe bagacibwa ibihumbi makumyabiri ku bifuza ko iyi nka yabyara inyana.

Iyi raporo kandi bavuga ko ifitwe n’ubuyobozi bw’Akarere n’inzego z’umutekano, ari nayo bamwe bavuga ko yaba impamvu y’ukwegura kwa bamwe mu banyamabanga nshigwabikorwa b’utugari bagiye begura mu bihe bitandukanye.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.