Advertisement
 
 
 
 
 
 
 
 

Amakuru | Mu Ntara | Intara

Rwiyemezamirimo wubatse ibitaro bya Ngarama yagiye atishyuye abaturage   

  Yanditswe na HABINEZA REGIS
 August 2016

 
 

Abaturage bakoze imirimo itandukanye ku nyubako y’ibitaro bya Ngarama mu karere ka Gatsibo, barasaba ubuyobozi kubafasha kwishyuza rwiyemezamirimo wabambuye amafaranga bakoreye, ubu bikaba bivugwa ko yamaze no gusiga akazi.

Iyi nyubako y’igorofa iherereye mu murenge wa Ngarama mu karere ka Gatsibo, abayikozeho basaba inzego zibishinzwe ko zafata ku mafaranga rwiyemezamirimo yari asigaje kwishyurwa, akishyurwa abaturage bamukoreye akabatenguha.

Nyirandahimana Maria Josephine, wakoze kuri iri gorofa, avuga ko amafaranga yambuye na rwiyemezamirimo watsindiye isoko ryo kubaka ibi bitaro ari menshi, ku buryo ubu ngo ari mu ruhuri rw’ibibazo byatewe nuko yari yizeye guhembwa, bikaza kurangira yambuwe.

Yagize ati “Njye nakoze hano kuri iyi taje bandimo amafaranga arenga ibihumbi mirongo ine, none nabuze amafaranga yo gutanga y’ubwisungane mu kwivuza, abana ku ishuri barabirukanye, nkaba nsaba abayobozi b’akarere kundenganura”.

JPEG - 208 kb
Abaturage bashinja rwiyemezamirimo kubakoresha atabahemba (Foto Habineza R)

Cyizere Evode, umusore nawe wakoze kuri iyi nyubako, yagize ati “Njye ubundi nari umunyeshuri tuje mu kiruhuko naka akazi kuri iyi taje none banyambuye arenga mirongo ine na bitanu kandi niyo nari kwishyura ku ishuri, none baranyambuye ndicaye sinabashije gusubirayo kuko ntiwakwiga nta mafaranga y’ishuri.”

Manzi Theogene, umuyobozi w’akarere ka Gatsibo wungirije ushinzwe ubukungu n’iterambere, avuga ko akarere katakwishyura abaturage kuko atari ko kabakoresheje.

Ariko ngo mu rwego rw’ubuvugizi bakoze urutonde rw’abahakoze batishyuwe barushyikiriza ubushinjacyaha ngo bukurikirane rwiyemezamirimo wambuye abaturage, agaruze ibya rubanda.

Kuri ubu abaturage bakoze kuri iyi nyubako bose hamwe, bishyuza rwiyemezamirimo amafaranga arenga miliyoni esheshatu.

 

Comments

 
 
Uburasirazuba:Toni ibihumbi 50 z’imyaka zatakariye mu isarura
Uburasirazuba:Toni ibihumbi 50 z’imyaka zatakariye mu isarura

Mu ntara y’Uburasirazuba habarurwa toni 50 zatakariye mu isarura ry’isozwa ry’igihembwe cya mbere cy’ihinga, abayobozi bashinzwe ubuhinzi bakaba bemeza ko bashaka uburyo bwo kuzakemura iki kibazo (...)

Gakenke:Baterwa igihombo n’ikusanyirizo ry’amata rya Gatonde ryabaye rihagaze
Gakenke:Baterwa igihombo n’ikusanyirizo ry’amata rya Gatonde ryabaye rihagaze

Aborozi b’inka bo mu murenge wa Mugunga mu karere ka Gakenke baravuga ko baterwa igihombo no kuba batakibona aho bagemura amata, nyuma y’aho ikusanyirizo rya Gatonde bayagemuragaho rimaze igihe (...)

Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro
Rubavu:Ubuyobozi bwiyemeje kugoboka abanyeshuri basizwe iheruheru n’inkongi y’umuriro

Ubuyobozi bw’akarere ka Rubavu burizeza ubuvugizi abanyeshuri barangiza amashuri yisumbuye bagizweho ingaruka n’inkongi yibasiye ishuri ry’ababatisita mu Rwanda, riherereye mu mudugudu wa Muhato, (...)

Nyamasheke: Gitifu w’akagari yatawe muri yombi akurikiranweho amafaranga ibihumbi 2
Nyamasheke: Gitifu w’akagari yatawe muri yombi akurikiranweho amafaranga ibihumbi 2

Umunyamabanga nshingwabikorwa w’akagari ka Banda mu murenge wa Rangiro,mu karere ka Nyamasheke ari mu maboko ya polisi kuri sitasiyo ya Kanjongo akurikiranweho amafaranga 2400 yahawe n’abaturage (...)

Abagore  b’i Ngoma bishyize hamwe bagurirana ibitenge  buri mwaka
Abagore b’i Ngoma bishyize hamwe bagurirana ibitenge buri mwaka

Abagore bo mu murenge wa Murama, mu kagari ka Rurenge bishimira ko bahuje imbaraga ubu bakaba bagurirana ibitenge buri mwaka, kandi bakaba bafashanya binyuze mu itsinda bishyiriyeho ryo kubitsa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.