Advertisement
 
 
 
 
 
 
 
 

Amakuru | Mu Ntara | Intara

Rwinkwavu:Ntibifuza ko imibiri y’ababo bazize Jenoside yimurwa   

  Yanditswe na HAKIZIMANA YUSSUF
 21 April

 
 

Abarokotse Jenoside yakorewe abatutsi mu 1994 bo mu murenge wa Rwinkwavu mu karere ka Rwamagana, barasaba ko imibiri y’ababo bazize Jenoside itimurwa, kuko urwibutso iruhukiyemo rubafasha kwibuka inzira y’umusaraba abatutsi bari bahungiye i Rwinkwavu banyuzemo.

JPEG - 130.6 kb
Uyu ni umwe mu myobo yajugunywemo abatutsi muri Jenoside (Foto Hakizimana Y).

Umwe mu barokokeye i Rwinkwavu witwa Rurangirwa Ismael, yagize ati: “Mwadukorera ubuvugizi abantu bacu ntibimurwe.”

Munyabuhoro Ignace, uhagarariye inyungu z’abacitse ku icumu rya Jenoside yakorewe abatutsi bo mu karere ka Kayonza, nawe yagaragaje ko iyi mibiri iramutse yimuwe bitabashimisha, na cyane ko hari n’indi bazi neza ko ihari ariko ikaba itarakurwa mu bisimu irimo ngo ishyingurwe mu cyubahiro.

Yagize ati:“Niba bimura imibiri y’abacu twabonye, ubu hakazasigara abandi twaburiye irengero bakiri mu bisimu, ubwo se abantu bazajya bajya kwibukira i Mukarange kuko bimuye imibiri indi yarasigaye mu bisimu ibyo bizaba bimaze iki?

JPEG - 130.6 kb
Uyu ni umwe mu myobo yajugunywemo abatutsi muri Jenoside (Foto Hakizimana Y).

Ubu se abantu bazajya babanza kwibukira i Rwinkwavu babone kujya i Mukarange…. kuko ubu hari imibiri y’abasaga 400 bakiri mu bisimu.”

Yakomeje avuga ko ubu hari gutegurwa kuzubakwa urukuta rw’amazina y’abazize Jenoside yakorewe abatutsi i Rwinkwavu, hagamijwe kubika amateka y’ibyahabereye.
Muri Jenoside hari Abatutsi benshi bari bahungiye mu gace ka Rwinkwavu bizeye kuharokokera kuko no mu bundi bwicanyi bwagiye bukorerwa Abatutsi mbere ya 1994, ababashaga kuhahungira ngo bahungishwaga na bamwe mu Babiligi bakoraga muri sosiyete yitwaga Geo-Rwanda, yacukuraga amabuye y’agaciro mu birombe by’i Rwinkwavu.

Gusa ngo muri Jenoside mu 1994 siko byagenze, kuko abahahungiye bishwe urw’agashinyaguro n’interahamwe zabaga muri ako gace.

Umuyobozi w’akarere ka Kayonza Murenzi Jean Claude, yabwiye Imvaho Nshya ko impugenge z’aba baturage zifite ishingiro.Yagize ati:“Ni ibyo kuganirwaho kuko ubusanzwe ari gahunda ya komisiyo y’igihugu ishinzwe kurwanya Jenoside, tuzabiganiraho akarere na CNLG.”

 

Comments

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.