Advertisement
 
 
 
 
 
 
 
 

Amakuru | Mu Ntara | Intara

Rwamagana: Umupagasi yishe umukecuru wamuhaye akazi amukubise majagu   

  Yanditswe na Hakizimana Yussuf
 June 2016

 
 

Umugabo w’imyaka 55 ukomoka mu karere ka Rutsiro wagiye gupagasa mu murenge wa Muyumbu mu karere ka Rwamagana yishe nyirabuja w’imyaka 75 wamuhaye akazi ko kumukorera mu isambu.

Umuvugizi wa Polisi mu ntara y’Uburasirazuba, IP Kayigi Emmanuel, yabwiye Imvaho Nshya ko uwo mugabo ufungiye kuri sitasiyo ya Kigabiro, yishe nyakwigendera amukubise isuka bita Majagu mu mutwe.

IP Kayigi avuga ko yari acumbitse mu nzu zikodeshwa z’uwo mukecuru ndetse akaba yari yaranamuhaye akazi ko kumutunganyiriza amashyamba.

Ngo uko yaritunganyaga ni nako yagurishaga ibiti; nyuma umukecuru yaje kubivumbura aramutumiza baricara ngo babiganireho.

IP Kayigi akomeza asobanura ko Nyuma yo kubiganiraho umukecuru yamwumvishije ko agomba kumwishyura ibiti kandi akamuvira mu rugo kuko abona batabashije kubana neza.

Umukobwa wa nyakwigendera yagiye gushaka abayobozi ngo baze kubafasha gukemura ikibazo uyu mugabo ahita afata majagu ayikubita umukecuru aramwica.

Umuvugizi wa Polisi yasabye abaturage kwifashisha ubuyobozi mu gihe bagize amakimbirane kugira ngo hato bitabaviramo ubwicanyi.

Ati”Turasaba abaturage ko amakimbirane n’ibibazo nk’ibi igihe babimenye bakwiye kujya bifashisha inzego z’ubuyobozi ndetse n’iz’umutekano ntibakwiye kubyihererana, ikindi ni uko abantu bakwiye kwirinda kugura ibintu abapagasi bagurisha bitari ibyabo kuko abenshi baba bazi neza nyirabyo.

 

Comments

 
 
Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.