Advertisement
 
 
 
 
 
 
 
 

Amakuru | Mu Ntara | Intara

Rwamagana:Ruswa n’uburiganya muri gahunda ya Girinka   

  Yanditswe na HAKIZIMANA YUSSUF
 30 May

 
 

Bamwe mu baturage bo mu kagari ka Nkungu mu murenge wa Munyaga mu karere ka Rwamagana, barinubira ruswa ikomeje kugaragara mu gutanga inka muri gahunda ya Girinka, aho bemeza ko abadashoboye kubona ruswa nta mahirwe bafite yo korora inka zo muri iyi gahunda, igamije kuzamura abakene.

Uburiganya ngo buri muri iyi gahunda ya Girinka nibwo butuma udafite icyo atanga adashobora kubona inka, nk’uko abaturage babisobanura.

Umwe muri aba baturage yagize ati:“Iyi gahunda iwacu yatangiye muri 2007, nyuma baje kunyemerera inka isohotse yifatirwa n’umuyobozi wari Gitifu w’akagari, nyuma baza kuyimwaka ariko bayiha mushiki we.

JPEG - 226.3 kb
Imitangire y’inka muri gahunda ya Girinka hari aho itagenda neza (Foto archive)

Nyamara kugeza ubu nkeka ko ntakiri ku rutonde ariko nshatse natanga amafaranga bakayimpa, amafaranga baca ni hagati y’ibihumbi 30 na 20 biterwa n’uko umuyobozi w’umudugudu akubonye.”

Aba baturage bakomeza bemeza ko uburyo bukoreshwa kugira ngo umuturage abone inka bwuzuyemo ubutiriganya bwinshi, nk’uko bishimangirwa na Kayihura Emile.

Yagize ati:“Njye inka ndayifite nahawe, ariko nibaza impamvu hari abakecuru n’abandi bantu batishoboye badahabwa inka? Iyi gahunda yuzuyemo amanyanga gusa, ni ruswa gusa n’amarangamutima biyiranga, udafite icyo atanga ntashyirwa ku rutonde, n’uwarushyizweho ntamenya igihe yarukuriweho.

Ibi bigaragaza ko ubuyobozi bw’umudugudu, akagari n’umurenge bijenjetse, ubu se udafite ayo mafaranga aziteza imbere bigenze bite? Hari abantu batejwe imbere na Girinka, ariko ino aha ifasha abifite gusa.”

Abatuye i Munyaga bemeza ko ubu batangiye gahunda yo kuzajya bemereza urutonde mu ruhame, gusa ngo ntibaratangira kubikora ndetse ngo icyizere ni gike kuri iyi gahunda.

Umuyobozi w’akarere ka Rwamagana Mbonyumuvunyi Radjab, yemeza ko umuyobozi uzagaragarwaho amanyanga muri iyi gahunda azabiryozwa, ndetse bishobora kugera aho yakweguzwa abaye ari umuyobozi w’umudugudu, cyangwa akirukanwa mu gihe yaba ari umukozi w’akarere.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.