Advertisement
 
 
 
 
 
 
 
 

Amakuru | Mu Ntara | Intara

Rwamagana:Nyuma y’imyaka 22 yashyize yemera ko yishe Abatutsi muri Jenoside   

  Yanditswe na HAKIZIMANA YUSSUF
 August 2016

 
 

Umugabo witwa Habineza Emmanuel,ufungiye muri gereza ya Rwamagana, yasabye imbabazi imiryango y’abarokotse Jenoside yiciye, asaba imbabazi n’umuryango we wari umaze imyaka 22 uzi ko bamubeshyera nk’uko yabibabwiraga.

Mu gikorwa cyo gusaba imbabazi abarokotse Jenoside yakorewe abatutsi mu 1994, bakazisabwa n’abagize uruhare muri Jenoside, bamwe mu bayigizemo uruhare banasabye imbabazi z’igihe bamaze barabeshye imiryango yabo ko ntacyo bakoze.

Habineza Emmanuel, ni umwe mu bakoze Jenoside akaba amaze iminsi mike abwije ukuri umuryango we.

Yagize ati:“Mpagaze imbere yanyu nsaba imbabazi z’icyaha nakoze cya Jenoside yakorewe abatutsi mu 1994, nakoze ibyaha bibi cyane nica Abatutsi.
Nandikiye abo nahekuye bose mbabwira ibyo nakoze mbasaba imbabazi, ubu ndasaba imbabazi z’ibyo byaha nakoze nkaba nsaba n’umuryango wanjye imbabazi.

Ntabwo nigeze mbabwira ibyaha nakoze bazi ko mfunze ndengana kandi narakoze amarorerwa nica abatutsi ntacyo bazira, usibye ko nabahoraga ko ari Abatutsi gusa.”

JPEG - 250.3 kb
Habineza n’umugore we (Iburyo) bari kumwe n’abo mu miryango yasabye imbabazi (Foto Hakizimana Y)

Nyuma yo gusabira imbabazi mu ruhame, abarokotse Jenoside bamuhaye imbabazi, ariko bongeraho ijambo rigira riti:“Turakubabariye ariko ntuzongere.”

Umugore w’uyu mugabo bafitanye abana barindwi yatanze ubuhamya agaragaza uburyo uyu mugabo we yamuhishe ko yishe abantu.

Yagize ati:“Yasabye imbabazi abandi barazimuha, ariko uyu mugabo ni umugome. Buri gihe iyo yavaga kwica naramubazaga nti ubwo ntuvuye kwica ati reka da. Kandi yari umukirisitu w’agatangaza, imbere yanjye n’imbere y’abana, ndamubabariye yabimbwiye ku wa mbere ku tariki 18 z’ukwezi gushize, nabibwiye abana mbasobanurira ibyo se yakoze baramubabariye uretse ko hari bamwe batabyemeye bavuze ko yaba yabikoreshejwe.”

Visi Perezidante wa komisiyo y’ubumwe n’ubwiyunge Uwimana Xaveline wari muri uyu muhango, yemeza ko uru rugendo rugana mu nzira y’ubumwe n’ubwiyunge, kuko amateka abanyarwanda banyuzemo ari isomo ryo kwirinda ikibi.”

Muri gereza ya Rwamagana ubu hari abagororwa basaga 900 bamaze kwiyemeza gusaba imbabazi, ubu bakaba bamaze kwandikira imiryango y’abarokotse 600 bayisaba imbabazi.

Muri uyu muhango uherutse kuba, hasabye imbabazi abagororwa 17, bagize uruhare muri Jenoside yakorewe abatutsi mu 1994.

 

Comments

 
 
Abarangije kaminuza muri INES basabwe guhanga imirimo bagaca ubushomeri
Abarangije kaminuza muri INES basabwe guhanga imirimo bagaca ubushomeri

Abanyeshuri 1080 bahawe impamyabushobozi z’icyiciro cya 2 n’icya gatatu(masters) mu ishuri rikuru rya INES Ruhengeri, basabwe guharanira guteza imbere gahunda yo kwihangira umurimo, hagamijwe (...)

Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.