Advertisement
 
 
 
 
 
 
 
 

Amakuru | Mu Ntara | Intara

Rwamagana:Ntibemeranya na Loni ivuga ko ‘yarangaye’ ubwo Jenoside yabaga   

  Yanditswe na HAKIZIMANA YUSSUF
 April 2016

 
 

Bamwe mu baturage bo mu kagari ka Cyanya mu murenge wa Kigabiro mu karere ka Rwamagana, basanga nta burangare umuryango w’abibumbye wagize mu gihe cya Jenoside yakorewe abatutsi mu Rwanda, ahubwo ngo birengagije nkana gutabara abanyarwanda, kuko ibyakozwe byose byabereye mu maso yabo.

Mu biganiro byo mu cyumweru cyo kwibuka, bamwe mu baturage bo mu mudugudu wa Kabuye mu kagari ka Cyanya mu Murenge wa Kigabiro bagaye imvugo zikoreshwa na bamwe bayobozi bakuru b’umuryango w’abibumbye, biregura bavuga ko barangaye mu gihe cya Jenoside yakorewe abatutsi mu mwaka 1994.

Umwe muri aba baturage yagize ati:“Ntabwo Loni yarangaye kuko ibyakorwaga byose yarabireberaga, nibemere bavuge ko batereranye abanyarwanda bakanga kubatabara, ni iki se batabonaga? Bafite amasaterite yafotoraga impande zose bareba uburyo abantu bicwaga none ngo bararangaye? Iyi mvugo nayo ni iyo kudukina ku mubyimba.”

JPEG - 45.9 kb
Urubyiruko rwo mu karere ka Rwamagana rwibuka Jenoside yakorewe Abatutsi

Undi muturage witwa Uwanyirigira nawe yagize ati:“Abo bavuga ngo bararangaye kandi barigendeye bagafasha bene wabo guhungisha imbwa bagasiga abanyarwanda bicwa, ubu nibo mutegerejeho ko batwerurira, ntabyo bakora kuko nta na kimwe cyakozwe batakizi, babimenyeshejwe mbere ko hari gutegurwa Jenoside bavunira ibiti mu matwi.”

Nyiringabo Hamduni, umuyobozi w’umudugudu wa Kabuye, yavuze ko ubusanzwe abanyarwanda babivuze neza ko ak’imuhana kaza imvura ihise, yakomeje agira ati:“Banze kudutabara ariko ingabo zari iza FPR Inkotanyi zarabikoze mu byo twibuka nabyo turabyibuka kuko ubutwari bagize bwo guhagarika Jenoside ni ntagereranywa.”

Aba baturage basabwe kureka kurangarira iby’abo banyamahanga ahubwo bo bagashishikarira gukora ndetse bakaba aba mbere mu kwerekana ko iterambere bagezeho barikesha ubuyobozi bwiza.

 

Comments

 
 
Rubavu:Igiciro cy’ibirayi cyavuye ku mafaranga 200 kigera kuri 350 mu byumweru 2
Rubavu:Igiciro cy’ibirayi cyavuye ku mafaranga 200 kigera kuri 350 mu byumweru 2

Abaturage batuye mu mujyi wa Rubavu n’inkengero zawo mu karere Rubavu bavuga ko bahangayikishijwe n’izamuka ry’igiciro cy’ibirayi muri iyi minsi. Aba baturage bavuga ko mu gihe kitarenze ibyumweru (...)

Rusizi:Mu mwaka umwe abantu 4 bapfuye barohamye mu mashyuza
Rusizi:Mu mwaka umwe abantu 4 bapfuye barohamye mu mashyuza

Ubuyobozi bw’akarere ka Rusizi buravuga ko butewe impungenge n’abantu baza koga mu mashyuza nijoro abandi batashye bigatera ibibazo byinshi birimo n’impfu. Imibare itangwa n’aka karere igaragaza ko (...)

Seminari Nkuru ya Kabgayi  yiyemeje gusenga igahashya ingengabitekerezo ya Jenoside
Seminari Nkuru ya Kabgayi yiyemeje gusenga igahashya ingengabitekerezo ya Jenoside

Abiga n’abakora muri Seminari Nkuru ya Kabgayi (Grand Séminaire Philosophicum) bagaragaje ko amasengesho ari imwe mu ntwaro zibafasha mu guhangana n’ingengabitekerezo ya Jenoside. Bashingiye ku (...)

 Rubavu: Umugabo afungiwe gutwikira umukecuru warokotse Jenoside
Rubavu: Umugabo afungiwe gutwikira umukecuru warokotse Jenoside

Umugabo witwa Bosenibamwe Edward ari mu maboko ya Polisi y’igihugu mu murenge wa Nyamyumba, akarere ka Rubavu akekwaho gutwikira uwarokotse Jenoside yakorewe Abatutsi. Umuvugizi wa polisi mu (...)

 Akarere ka Rulindo kazifashisha miliyoni zisaga 150 mu kubakira abarokotse Jenoside
Akarere ka Rulindo kazifashisha miliyoni zisaga 150 mu kubakira abarokotse Jenoside

Ubuyobozi bw’akarere ka Rulindo buravuga ko bwatangiye umushinga wo kubaka inzu 18 zizahabwa abarokotse Jenoside batishoboye, uyu mushinga ukazatwara amafaranga asaga miliyoni 151. Ubuyobozi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.