Advertisement
 
 
 
 
 
 
 
 

Amakuru | Mu Ntara | Intara

Rwamagana:Iseswa rya KOZIBI ryasize urujijo mu banyamuryango   

  Yanditswe na HAKIZIMANA YUSSUF
 August 2016

 
 

Abari abanyamuryango ba koperative yo kubitsa no kugurizanya KOZIBI (Koperative Zigama Bigufashe) yahoze ikorera mu karere ka Rwamagana (ubu yamaze guseswa), baracyafite akangononwa k’amafaranga yabo yanyerejwe ntanagire gikurikirana.

Nyuma y’iseswa ry’iyi koperative, abahoze ari abanyamuryango bayo bakomeje kwibaza impamvu urukiko baregeye rwanzuye ko ikirego cyabo cyashaje, bisobanuye ko abahombeje iyi koperative miliyoni zirenga 200 badakurikiranwa.

KOZIBI yagaragayemo imicungire mibi no kunyereza umutungo, nk’uko byemezwa n’igenzura ryakozwe n’ikigo cy’igihugu gishinzwe amakoperative, aho iyi koperative yahombye amafaranga asaga miliyoni 200.

JPEG - 184.8 kb
Aho koperative KOZIBI yakoreraga (Foto archive)

Abanyamuryango bayo batanze ikirego mu rukiko babwirwa ko ikirego cyabo cyashaje, ariko uyu mwanzuro w’urukiko ni amwe mu makuru yateye ishavu aba baturage bemeza ko biriye bakimara ngo koperative yabo itere imbere.

Ntezimana Malik wo mu murenge wa Rubona yagize ati:“Twabyakiriye nabi cyane kuvuga ngo umuntu yariye miliyoni 200 ngo ikirego cye cyarashaje ngo ntiyakurikiranwa, byaratubabaje biba ikibazo gikomeye.

Ubwo ni ukuvuga ko twebwe duhombye amafaranga yacu kandi abayariye, abayanyereje bahari nta n’umwe wakurikiranwe, ntawapfuye, amafaranga yacu ntabwo yahiye ntabwo yibwe ni umukozi wakoragamo wayatwaye.”

Ruhumuriza Jonathan, utuye mu kagari ka Ntunga mu murenge wa Mwurire, nawe yagize ati:“Ikirego twagitanze kuva kera sinzi impamvu kitageze ku bo cyagombaga kugeraho.

Abanyereje amafaranga barahari sinzi impamvu badashaka kuyababaza kandi bahari, urumva ko bidashimishije.”

Habumugisha Jean de la Paix, umukozi w’ikigo gihinzwe guteza imbere amakoperative mu Rwanda, kuri iki kibazo yagize ati:“Iyi koperative yakorewe ubugenzuzi ndetse habaho no kugenza ibyaha bishyikirizwa ubushinjacyaha ku rwego rwisumbuye rwa Ngoma.Nyuma urukiko rwa Ngoma rwaje kugaragaa ko ibyaha byakorewe muri iyi koperative byashaje.”

Kuva iyi koperative yaseswa abaturage bakomeje kugaragaza ishavu batewe n’igihombo iyi koperative yabasizemo, kandi n’uburyo bwo gukurikirana amafaranga yabo bukaba busa n’ubwarangiye.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.