2017-06-26 13:56:47 clouds 27o High | Kigali Rwanda

Dukurikire:
 
 

Rwamagana: Havumbuwe gerenade mu musarani

Yanditswe na IMVAHO NSHYA

Kuya 2016-09-13 09:42:38

 
Share on:
 
Yasuwe:7
 
Yavuzweho:200
 
10
 
10

Igisasu cyo mu bwoko bwa gerenade cyatoraguwe mu musarani mu mudugudu wa Nyabubare, akagari ka Nyabubare, umurenge wa Karenge n’abantu bari barimo gucukuramo ifumbire, ku mugoroba wo ku wa 12 Nzeri 2016.

Umunyamabanga Nshingwabikorwa w’umurenge wa Karenge Havugimana Emmanuel yabwiye Imvaho Nshya ko iyi gerenade yabonetse agahana i saa kumi z’umugoroba kuri uyu wa 12 Nzeri 2016, ubwo abantu bari bari gucukura ifumbire yo mu musarani.

Ntibahise bamenya icyari cyo bitabaza ubuyobozi, nabwo bwitabaza inzego z’umutekano, amakuru y’uko ari gerenade amenyekana ahagana saa kumi n’ebyiri.

Yagize ati “Bayitaburuye nka saa kumi z’umugoroba babonye batazi icyo ari cyo, babimenyesha umuyobozi wabo, hitabazwa abasirikare bo mu kigo kiri hafi yaho cyo mu Bihembe, bababwira ko ari gerenade nka saa kumi n’ebyiri z’umugoroba”

JPEG - 62 kb
Iyi gerenade yatowe n’abantu bacukuraga ifumbire mu musarani wari waruzuye utagikoreshwa

Akomeza asobanura ko uyu musarani wakurwagamo ifumbire wari umaze igihe waruzuye ndetse n’umwanda waramaze guhinduka ifumbire.

Nyuma yo kumenya ko ari gerenade abaturage babujijwe kuyegera kugeza inzego zishinzwe gutegura ibisasu bije kuyihavana.

Gitifu Havugimana ati “Aho iri twahise tuhazitira, dusaba abasirikare ko bahamagara abantu bashinzwe gutegura ibisasu bakaza bakayijyana, ubu dutegereje ko inzego zibishinzwe zihagera. Iyo tuwarete yari yaruzuye, itagikoreshwa, hari ukuntu yuzura, abantu bakagurisha ifumbire yayo”

Ubuyobozi bugaragaza ko urugo yabonetsemo ari urw’umuntu usanzwe kandi umusarurani we wari waruzuye kera, n’ umwanda (ifumbire yacukurwagamo) waramaze guhinduka nk’igitaka.

Nyir’uwo musarani watoraguwemo gerenade avuga ko atazi aho yaba yaraturutse n’uwayitayemo.

Ubuyobozi bw’umurenge wa Karenge bwakoranye inama n’abatuye Nyabubare bubasaba kutayegera, kujya bihutira gutanga amakuru kandi bagashyira imbaraga mu kwicungira umutekano.

Gitifu Havugimana avuga ko bitari bisanzwe ko muri uyu murenge haboneka ibisasu.

Iyi gerenade yatowe kugeza ubu iracyari aho yabonetse, abaturage babujijwe kuyegera, mu gihe hategerejwe ko inzego zishinzwe gutegura ibisasu ziza kuyitwara.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE