Advertisement
 
 
 
 
 
 
 
 

Amakuru | Mu Ntara | Intara

Rwamagana:Abakozi bo mu rugo barahohoterwa bakihimurira ku bana barera   

  Yanditswe na HAKIZIMANA YUSSUF
 July 2016

 
 

Ubushakashatsi ku mibereho n’imikorere y’abakozi bo mu rugo buherutse gushyirwa ahagaragara, bwagaragaje ko ihohoterwa bakorerwa n’abakoresha babo baryitura abana babo.

Ubushakashatsi bwakorewe ku bakozi bo mu rugo bo mu mirenge ya Gishari, Muhazi na Kigabiro yo mu karere ka Rwamagana, bugaragaza ko bagikorerwa ihohoterwa mu ngo, nk’uko bitangazwa na Irambeshya Albert, akaba ari umushakashatsi ku mibereho y’abantu no gukemura amakimbirane.

Yagize ati:“Abakozi bakorerwa ihohoterwa ritandukanye n’abakoresha babo, ariko nabo bamara kurikorerwa bakihimura ku bana abakoresha baba basize mu rugo cyangwa se ku mitungo yabo bayangiza cyangwa bayisesagura, iki ni ikintu gikomeye gitera amakimbirane hagati y’umukozi n’umukoresha.”

JPEG - 89.5 kb
Abakozi bo mu rugo bashinjwa kwihimurira ku bana ba nyirabuja

Ubu bushakashatsi bugaragaza ko 44.7% by’ababajijwe bemeza ko ihohoterwa mu ngo ribaho mu buryo butandukanye, ndetse ikaba imwe mu nzira ituma aba bakozi bihimura ku bana babicisha inzara, babakubita ndetse hari n’abatorongera bagatwara abana b’abakoresha.

Nsengumuremyi Evariste, umuyobozi w’umuryango MTCR (Mouvement des travailleurs Chretiens au Rwanda), ni Ihuriro ry’abakozi b’abakirisitu mu Rwanda yavuze impamvu zatumye bakora ubu bushakashatsi.

Yagize ati:“Turi umuryango w’abakozi dufite inshingano zo kureba uko akazi gakorwa hirya no hino, akarengane karimo n’aho bigenda neza, ikibazo cyo mu rugo, ingorane bahura nazo no kureba icyo twagikoraho.

Turifuza ko ibyavuye muri ubu bushakashatsi bimenyekana mu rwego rwo gukorera ubuvugizi aba bakozi bo mu rugo.”

Ubu bushakashatsi bwanzuye ko hakwiye kubaho amategeko yihariye agenga abakora akazi ko mu rugo, hakabaho ubufatanye hagati y’abakozi n’abakoresha, hakaba ubwumvikane burinda amakimbirane.

 

Comments

 
 
Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Nyamasheke: Umugabo yatawe muri yombi azira kwigabiza ishyamba rya Leta
Nyamasheke: Umugabo yatawe muri yombi azira kwigabiza ishyamba rya Leta

Hategekimana Jean Pierre, w’imyaka 40, afungiwe kuri sitasiyo ya Ruharambuga mu karere ka Nyamasheke akurikiranweho kwigabiza ishyamba rya Leta riri mu mudugudu wa Kacyiru, mu kagari ka Ntendezi, (...)

Ngoma:Urubyiruko rushamikiye ku muryango FPR Inkotanyi rwaremeye imfubyi
Ngoma:Urubyiruko rushamikiye ku muryango FPR Inkotanyi rwaremeye imfubyi

Binyuze mu buryo bw’umuganda, urugaga rw’urubyiruko rushamikiye ku muryango FPR Inkotanyi mu Karere ka Ngoma rwasaniye inzu, runubakira ubwiherero ndetse n’akarima k’igikoni abana b’imfubyi babiri. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.