Advertisement
 
 
 
 
 
 
 
 

Amakuru | Mu Ntara | Intara

Rwamagana:Abajura b’i Nyakaliro ntibatinya kwiba ku manywa y’ihangu   

  Yanditswe na HAKIZIMANA YUSSUF
 4 months ago

 
 

Abaturage bo mu murenge wa Nyakariro mu karere ka Rwamagana, batewe impungenge n’ubujura buhakorerwa bumaze gufata indi ntera, kuko ubu abajura batagitinya kwiba abaturage ku manywa y’ihangu.

Nk’uko bivugwa na bamwe muri aba baturage, ngo ubujura buri muri uyu murenge burabarembeje, dore ko basigaye babiba ku manywa y’ihangu.

Nyirandikubwimana Odette, umuturage w’i Nyakariro yagize ati:“Ubujura nibwo bugiye kuduca ku bintu, umuntu ajya gusenga abandi bakamusigarira ku rugo bakarukingura bagatwara utwo yakariye.

Nkanjye baraje baranyiba hari ku cyumweru haciyeho umunsi umwe baragaruka nari mfite ihene zose barashorera baratwara.”

Aba baturage bavuga ko amatungo yabo abajura basigaye bayabagira mu ngo zabo.

Umwe mu babikorewe ni Hatangijimana Sylvestre, wagize ati:“Hari ingurube nari noroye yagura ibihumbi nka 80, bayibagiye aho ngaho batwara inyama bayitwarana n’intama ubwo ndabibura burundu, nta n’ikintu bansigiye, n’inkoko barazitwaye n’amagi barayatwaye, amarondo arakorwa ariko wasanga ari nabo turi kumwe aha ngaha kuko baguca mu rihumye bakabitwara.”

Aba baturage kimwe na bagenzi babo bemeza ko amatungo ari yo yibwa cyane, ariko ngo iyo bigeze nijoro bwo banapfumura amazu.

Umuyobozi w’akarere ka Rwamagana Mbonyumuvunyi Radjab, asaba aba baturage ko buri wese yaba ijisho rya mugenzi we, kugira ngo babashe guhashya ubu bujura.

Yagize ati:“Ubujura bwo ku manywa buragoye kubukumira kuko nta marondo y’amanywa abaho, tugira irondo rya nijoro ku manywa tugakangurira abaturage gukinga bagakomeza igihe bazi ko badahari kandi ukaba wabwira umuturanyi wawe igihe udahari nta n’umwana wasize mu rugo, akaba yakurebera uwahungabanya umutekano wo mu rugo rwawe.”

JPEG - 233.1 kb
Meya Mbonyumuvunyi Radjab yasabye abaturage kwicungira umutekano (Foto Hakizimana Y)

Umuyobozi w’akarere avuga ko muri rusange umutekano mu karere ka Rwamaganaa wifashe neza, usibye ibi bibazo by’ubujura bw’imyaka cyangwa ubw’amatungo kandi nabyo bari kubihagurukira kugira ngo abaturage bagire umutekano usesuye ndetse n’ibyabo birame.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.