Advertisement
 
 
 
 
 
 
 
 

Amakuru | Mu Ntara | Intara

Rutsiro: Inkuba yakubise abana batatu bahita bapfa   

  Yanditswe na MAGARAMBE THEODORE
 3 months ago

 
 

Inkuba yakubise abana batatu bahita bapfa, mu mudugudu wa Kimishishi, akagari ka Kageyo, mu murenge wa Mukura, ho mu karere ka Rutsiro, ku mugoroba wo kuwa Gatanu ushyira kuwa Gatandatu.

Umuyobozi w’akarere ka Rutsiro wungirije ushinzwe imibereho myiza y’abaturage Butasi Jean Herman, yabwiye Imvaho Nshya ko inkuru y’urupfu rw’aba bana batatu yamaze kugera ku buyobozi.

Mu kiganiro kuri telefoni igendanwa, uyu muyobozi yasobanuye ko aba bana ari ab’umubyeyi witwa Mudacumura Anastase, na Abihoyiki Anastasie.
60|left>



Aba bana barimo ufite imyaka 16, uwa 14 n’ufite imyaka 10 ngo bakubiswe n’inkuba ibasanze mu nzu.

Abayobozi b’akarere ka Rutsiro barimo n’umuyobozi wungirije ushinzwe imibereho myiza y’abaturage Butasi Jean Herman batabaye uyu muryango wagize ibyago, bawufasha mu muhango wo gushyingura aba bana ndetse banawizeza ubufasha bw’ibanze.

Visi Meya Butasi yagize ati “Tugiye kureba icyihutirwa twafashisha uyu muryango.”

Muri aka karere ka Rutsiro si ubwa mbere inkuba zikubita abantu zikabahitana, ndetse by’umwihariko muri uyu murenge wa Mukura ho hashize iminsi mike inkuba zihitanye amatungo.

Ubuyobozi bw’akarere ka Rutsiro burongera kwibutsa abaturage kwitwararika muri iki gihe cy’imvura iba ivanze n’imirabyo n’inkuba nyinshi, birinda kujya ahashobora gutuma inkuba zibakubita.

Visi Meya Butasi yagize ati “Turasaba abaturage kwirinda kugenda mu mvura, kugama munsi y’ibiti no kudafungura za telefoni n’amaradiyo mu gihe imvura irimo kugwa.”

Akarere ka Rutsiro ni kamwe mu turere tw’imisozi miremire dukunze kwibasirwa n’inkuba, aho zikubita abantu bagapfa, cyangwa zikangiza imitungo yabo.

inzego z’ubuyobozi zitandukanye muri aka karere zakomeje kugaragaza ko muri aka karere hakenewe gukorwa ubushakashatsi bwimbitse, hakamenyekana neza impamvu y’izi nkuba, byanashoboka hagashakwa umuti urabye kuri iki kibazo.
Rutsiro: Inkuba yakubise abana batatu bahita bapfa

MAGARAMBE THEODORE

Inkuba yakubise abana batatu bahita bapfa, mu mudugudu wa Kimishishi, akagari ka Kageyo, mu murenge wa Mukura, ho mu karere ka Rutsiro, ku mugoroba wo kuwa Gatanu ushyira kuwa Gatandatu.

Umuyobozi w’akarere ka Rutsiro wungirije ushinzwe imibereho myiza y’abaturage Butasi Jean Herman, yabwiye Imvaho Nshya ko inkuru y’urupfu rw’aba bana batatu yamaze kugera ku buyobozi.

Mu kiganiro kuri telefoni igendanwa, uyu muyobozi yasobanuye ko aba bana ari ab’umubyeyi witwa Mudacumura Anastase, na Abihoyiki Anastasie.

Aba bana barimo ufite imyaka 16, uwa 14 n’ufite imyaka 10 ngo bakubiswe n’inkuba ibasanze mu nzu.

Abayobozi b’akarere ka Rutsiro barimo n’umuyobozi wungirije ushinzwe imibereho myiza y’abaturage Butasi Jean Herman batabaye uyu muryango wagize ibyago, bawufasha mu muhango wo gushyingura aba bana ndetse banawizeza ubufasha bw’ibanze.

Visi Meya Butasi yagize ati “Tugiye kureba icyihutirwa twafashisha uyu muryango.”

Muri aka karere ka Rutsiro si ubwa mbere inkuba zikubita abantu zikabahitana, ndetse by’umwihariko muri uyu murenge wa Mukura ho hashize iminsi mike inkuba zihitanye amatungo.

Ubuyobozi bw’akarere ka Rutsiro burongera kwibutsa abaturage kwitwararika muri iki gihe cy’imvura iba ivanze n’imirabyo n’inkuba nyinshi, birinda kujya ahashobora gutuma inkuba zibakubita.

Visi Meya Butasi yagize ati “Turasaba abaturage kwirinda kugenda mu mvura, kugama munsi y’ibiti no kudafungura za telefoni n’amaradiyo mu gihe imvura irimo kugwa.”

Akarere ka Rutsiro ni kamwe mu turere tw’imisozi miremire dukunze kwibasirwa n’inkuba, aho zikubita abantu bagapfa, cyangwa zikangiza imitungo yabo.

inzego z’ubuyobozi zitandukanye muri aka karere zakomeje kugaragaza ko muri aka karere hakenewe gukorwa ubushakashatsi bwimbitse, hakamenyekana neza impamvu y’izi nkuba, byanashoboka hagashakwa umuti urabye kuri iki kibazo.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.