Advertisement
 
 
 
 
 
 
 
 

Amakuru | Mu Ntara | Intara

Rutsiro: Hatashywe umuyoboro w’amazi watwaye miliyari 1.2   

  Yanditswe na DUSINGIZUMUREMYI VESTINE
 June 2016

 
 

Minisiteri y’ibikorwaremezo yashyikirije abaturage bo mu karere ka Rutsiro umuyoboro w’amazi wa kilometero 127, wuzuye utwaye akayabo k’amafaranga y’u Rwanda miliyari 1 na miliyoni 200.

Uwo muyoboro ufite ibigega 41 bibika amazi angana na metero kibe 1500. Uzaha amazi abaturage bagera ku bihumbi 15 bo mu mirenge ibiri yo muri aka karere ndetse n’abo mu murenge umwe wo mu karere ka Rubavu.

Mu karere ka Rutsiro, amazi ageze ku kigereranyo cya 72%. Umuyobozi w’Akarere ka Rutsiro Ayinkamiye Emerance avuga ko bagiye gukomeza kubungabunga uyu muyoboro ariko asaba ubufasha bwo kugira ngo abaturage batarabona amazi bazashobore na bo kuyabona.

JPEG - 285 kb
Umunyamabanga wa Leta muri MININFRA Kamayirese Germaine(imbere ibumoso)amaze gufungura ku mugaragaro umuyoboro w’amazi Foto (Dusingizumuremyi V)

Abaturage bahawe amazi basabwe n’umuyobozi mukuru wa WASAC, Sano James, kuyabyaza umusaruro bagira isuku, haba ku mubiri ndetse n’aho aba.

Umunyamabanga uhoraho muri Minisiteri y’ibikorwaremezo ushinzwe ingufu Kamayirese Germaine yabwiye abo baturage ko nta muturage ukwiye kuzongera kuvoma amazi y’ibirohwa yitwaje ko ariho ba sekuru bavomaga(aha akaba yavugaga i Kivu). Na we abasaba kugira isuku bifashishije ayo mazi.

Kugeza amazi mu rugo rw’umuturage utuye muri Rutsiro ngo ntabwo byoroshye, Kamayirese yasabye WASAC korohereza abaturage kugeza amazi mu ngo zabo, bakazajya bishyura mu byiciro.

Leta y’u Rwanda ifite icyifuzo cy’uko muri 2020, Abanyarwanda bose bazaba bagerwaho n’amazi meza.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.