Advertisement
 
 
 
 
 
 
 
 

Amakuru | Mu Ntara | Intara

Rutsiro: Aborozi barataka ko babuze isoko ry’umusaruro w’amata   

  Yanditswe na DUSINGIZUMUREMYI VESTINE
 20 May

 
 

Bamwe mu borozi bo mu karere ka Rutsiro barataka igihombo cy’amata baterwa no kubura amasoko, kuko ngo amakusanyirizo bari biteze ko azabagurira amata yabatengushye.

Karamira Petero, umworozi wo mu karere ka Rutsiro, avuga ko afite inka eshatu z’inzungu zikamwa litiro 50 ku munsi, ariko ngo aremerewe n’ikibazo cyo kubura aho agurisha ayo mata.

Yagize ati:“Mfite inka eshatu zose hamwe zikamwa litiro 50 ku munsi, n’ubwo twanywa ntitwarenza litiro 10, izindi 40 nakagombye kuzigemura ku ikusanyirizo ryo mu murenge wa Kigeyo bakampa amafaranga nkikenura, ariko ntirikora, nta soko amata arapfa ubusa tugasanga duhomba.”

JPEG - 75.7 kb
Aborozi bemeza ko amata adafite isoko rihagije (Foto archive)

Gasanande Emerence, ucuruza amata ku muhanda munini Gisenyi-Rutsiro ku nkengero z’ishyamba rya Gishwati, ahitwa i Kinihira, avuga ko babura isoko bagahitamo kuzana amata ku muhanda kugira ngo barebe ko hari uwabagurira n’akabido kamwe.

Yagize ati:“Tugurishiriza aha ku muhanda tukabura abaguzi, tugurisha nk’akagaro kamwe ku munsi ku mafaranga kuva kuri 1200 kugeza ku 1500, ni ukuvuga ku mafaranga 240 kuri litiro.

Muri uyu murenge bari bahubatse ikusanyirizo tuzi ko rizatubera igisubizo, none kuva 2014 ryaruzuye ntacyo ritumariye, amata akomeje gupfa ubusa.”

Umuyobozi w’akarere ka Rutsiro Ayinkamiye Emerence, avuga ko iki kibazo giterwa n’ikaragiro rya Mukamira mu karere ka Nyabihu ritagikora, bikiyongeraho ko n’abaturage basigaye bayajyana ku maduka.

Yagize ati:“Ibibazo by’amakusanyirizo turabizi, Nyabirasi abaturage banga kuhagemura kubera ibiciro ari bito, irya Kigeyo ridakora, hari hategerejwe irya Mukamira ko ryuzura bakajya bayakusanya bakayagemura yo.”

Yongeraho ko ikusanyirizo rya Nyabirasi rikora nabi naryo bazigisha aborozi ko kuyakusanyiriza hamwe ari byo bibungura, bagakumira abagemura amata ku maduka bakuririkiye amafaranga menshi.

 

Comments

Who are you?
Your post
  • To create paragraphs, just leave blank lines.

 
 
Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Kirehe:Imodoka bahawe na Perezida Kagame yabunguye miliyoni 6 mu mwaka umwe
Kirehe:Imodoka bahawe na Perezida Kagame yabunguye miliyoni 6 mu mwaka umwe

Abagize Koperative y’Abahinzi ba kawa mu murenge wa Musaza (COCAMU), mu karere ka Kirehe barishimira ko imodoka ya Fuso bahawe na Perezida wa Repubulika Paul Kagame, yatangiye kubaha inyungu (...)

Karongi:  Umuhanda wangiritse ubangamira ubuhahirane hagati y’imirenge
Karongi: Umuhanda wangiritse ubangamira ubuhahirane hagati y’imirenge

Abaturage bo mu murenge wa Rwankuba mu karere ka Karongi barasaba ubuyobozi ko bwabafasha kubona umuhanda Bwishyura –Rwankuba-Twumba kuko wangiritse bikaba bituma bagorwa n’ubuhahirane. Uyu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.