2017-09-21 09:07:12 clouds 27o High | Kigali Rwanda

Dukurikire:
 
 

Rutsiro:Abaturage bagiye kwiyubakira indi sitasiyo ya Polisi

Yanditswe na IMVAHO NSHYA

Kuya 2017-05-04 14:41:03

 
Share on:
 
Yasuwe:48
 
Yavuzweho:200
 
10
 
10

Abaturage bo mu kagari ka Buyunju mu tugari twa Kabujenje na Buyunju mu murenge wa Kivumu mu karere ka Rutsiro, biyemeje kubakira Polisi ibiro hafi yabo, ubu bakaba baratangiye gushyira hamwe ngo iki gikorwa kigerweho.

Aba baturage bemeza ko kubaka inyubako urwego rwa Polisi y’igihugu rukoreramo hafi yabo, ngo bizabaruhura urugendo bakoraga rugera kubirometero 20 bajya gushaka serivisi zitangwa na Polisi aho ikorera kuri sitatiyo ya Kayove.

Ubuyobozi bw’akarere buvuga ko iki gikorwa atari ubwa mbere gikozwe n’abaturage ubwabo, kuko no mu mwaka washize kuwa 18 Mutarama 2016 hari hatashwe sitasiyo ya Polisi yubatswe n’abaturage muri aka karere mu murenge wa Rusebeya, yuzuye itwaye amafaranga agera kuri miliyoni 27.

JPEG - 229 kb
Iyi sitasiyo ya Polisi nayo yubatswe n’abaturage bo mu karere ka Rutsiro (Foto KT)

Mu muganda ngarukakwezi w’ukwezi kwa Mata 2017, ni bwo abaturage batuye mu murenge wa Kivumu bahize kwigobotora ingendo ndende bakoraga bajya gushaka serivise za Polisi kuri Sitatiyo ya Kayove, batangira igikorwa cyo gukusanya ibikoresho byo kubakira Polisi aho ikorera hafi yabo.

Nyirarukundo Jeanne, umwe mu baturage batuye mu murenge wa Kivumu, yagize ati «Gushaka ni ugushobora, tuzi uruhare rwa Polisi mu kudufasha, twafashe umwanzuro wo kubaka kuko tugorwa no kugenda urugendo rurerure tujya gushakisha serivisi kuri Polisi ituri kure, iki gitekerezo cyo kwishyira hamwe tukabubakira twakigize nk’abaturage kandi twizeye ko kizatugirira akamaro cyane ndetse bikagabanya gusiragira bya hato na hato.”

Bimwe mu byo bamaze gukora harimo gutunda amabuye, amatafari n’umucanga byo kuzubaka ibiro Polisi y’igihugu izakoreramo mu murenge wabo.

Aba baturage kandi banavuga ko igikorwa nk’iki ubwo giherutse gukorwa umwaka washize cyatanze umusaruro mu murenge wa Rusebeya, aho bemeza ko nabo bizabafasha kuko umwanya batakazaga mu ngendo bajya kwaka serivise za Polisi bazawubyaza umusaruro mu bindi bikorwa bibafitiye akamaro.

Aba baturage kandi bavuga ko igikorwa nk’iki iyo bagikoreye hamwe bibafasha kugera ku ntego vuba kandi bakungurana ibitekerezo ku byo bateganya gukora.

Mukerarugendo Christophe, umukozi ushinzwe irangamimerere mu murenge wa Kivumu, aragira ati “Ibi bintu twarabyisabiye kuko twifuzaga ko ibikorwa byayo bitwegera, bizatugabanyiriza ingendo kandi n’ibibazo abaturage bari barabuze uko bikemuka nabyo bikemuke kandi bizatuma twiyumvanamo.”

Akomeza avuga ko impamvu bitabiriye iki gikorwa cyo ku kubakira Polisi sitasiyo, ari uko cyaturutse muri bo babyisabiye ngo kuko bifuzaga ko yabegera, kandi babitewe n’ishyaka bagize nyuma yo kubona aho byashobotse.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE