Advertisement
 
 
 
 
 
 
 
 

Amakuru | Mu Ntara | Intara

Rutsiro:Abaturage bafashe ingamba zo guhashya ubutagondwa   

  Yanditswe na IYAREMYE YVES
 August 2016

 
 

Gutangira amakuru ku gihe no kugaragaza uwo ari we wese washaka kuyobereza urubyiruko mu butagondwa, ni imwe mu ngamba zafashwe n’abaturage bo mu murenge wa Mushonyi mu karere ka Rutsiro.

Ni mu gihe ubuyobozi bw’akarere ka Rutsiro busaba abaturage gusigara umutekano no kubungabunga ibyiza bamaze kugeraho, no kurwanya uwo ari we wese washaka guhungabanya umutekano.

Aba baturage bavuga imyato ibyiza bamaze kugezwaho ba Leta y’ubumwe bw’abanyarwanda bemeza ko kuba bazi aho igihugu cyavuye bituma biha intego yo guharanira kujya imbere, barushaho gukora mu rwego rwo kwiteza imbere.

PNG - 914.4 kb
Meya w’Akarere ka Rutsiro Ayinkamiye Emerance asaba abaturage gusigasira ibyagezweho (Foto Iyaremye Y)

Kamanzi Jerome, umwe mu baturage, avuga ko ibyiza bimaze kugerwaho bikwiye gusigasirwa, bikaramba kugira ngo bakomeze kubyubakiraho iterambere n’imibereho myiza yabo.

Yagize ati:“Tumaze kugera kuri byinshi kandi by’iterambere twagejejweho na Leta y’ubumwe, nta mpamvu yo kugira ngo hagire ushaka kudusubiza inyuma, tuzamurwanya twivuye inyuma.

Ubu ngubu nta murenge utagira amashuri kandi twiga ku buntu, uburezi kuri bose, kuba twaragejejweho amavuriro muri buri murenge kandi mbere ntabwo byabagaho, imihanda irahari ubu turahahirana.

Iterambere tugezeho turifuza kurikomeza, ntabwo tuzihanganira umuntu ushaka kwitwara nabi ashaka guhungabanya umutekano.”

Ayinkamiye Emerance, umuyobozi w’akarere ka Rutsiro, asaba abaturage gutangira amakuru ku gihe hagaragazwa uwo ari we wese ushaka kubasubiza inyuma, asenya ibyo bubatse biyushye icyuya.

Yagize ati:”Inaha nta bikorwa b’intagondwa biratangira kuhagaragara, ariko hari abantu batangiye ahantu hatandukanye gushimuta abana bakabajyana mu bikorwa by’ubwihebe, bikwiye gukumirwa kandi muzabigiramo uruhare.

Mukwiye kumenya ko umuyisilamu atari intagondwa ahubwo hari abiyitirira Isilamu bashaka kwanduza isura yabo, ibyo tumaze kugeraho ni byinshi musabwe kubirinda.”

Mu karere ka Rutsiro nta bikorwa by’ubutagondwa birahaboneka ariko mu rwego rwo gukumira iyi ngeso hakiri kare, ubuyobozi buvuga ko bushyize imbaraga mu gufatanya n’abaturage mu guhanahana amakuru kuri ibi bikorwa bishobora gutesha abaturage umurongo wo gukomeza kwiyubakira igihugu.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.