Advertisement
 
 
 
 
 
 
 
 

Amakuru | Mu Ntara | Intara

Ruswa yiswe ‘Umusaya wa Mudugudu’ yafungishije abayobozi 4   

  Yanditswe na NGABOYABAHIZI PROTAIS
 August 2016

 
 

Abayobozi 4 bari bagize Komite y’umudugudu wa Kinkware n’umukozi ushinzwe iterambere mu kagari ka Bikara mu murenge wa Nkotsi, akarere ka Musanze, bari mu maboko y’inzego z’umutekano, aho bakurikiranweho uburiganya mu mafaranga yagenewe abatishoboye.

Abaturage bo muri uyu mudugudu bavuga ko amafaranga yose agenewe abatishoboye abayobozi babo bayaryaho, ayo bakuyeho bakayita ‘Umusaya wa Mudugudu’.Ubuyobozi bw’umurenge bwemeza ko ubutabera bugiye gukurikirana ibyabo, kugira ngo barebe koko uburyo ariya manyanga yaba yarakozwe.

Aba bayobozi batawe muri yombi nyuma y’aho Imvaho Nshya igaragarije ikibazo cy’abaturage bo mu mudugudu wa Kinkware,bavugaga ko basinyishwaga ko bakiriye amafaranga ibihumbi 26, bagahabwa 16 na yo agakurwaho 2.

JPEG - 106.5 kb
Mukaneza ni umwe mu baturage batishoboye bakaswe amafaranga adasobanukiwe (Foto Ngaboyabahizi P)

Aba baturage bagaragaje ko aya mafaranga ari ruswa mu zindi, kuko ngo utarayatanganga yakurwaga ku rutonde rw’abahabwa iyi nkunga, uwemeye kuyatanga agakomeza kuyahabwa.

Umwe mu baturage basinyishijwe amafaranga ibihumbi 26, ariko agahabwa ingurube yagwingiye, witwa Mukaneza Marie Jeannette, yabwiye Imvaho Nshya ko iki kibazo cy’amafaranga bakatwa abayobozi bita ‘Umusaya wa Mudugudu’ ababangamiye cyane.

Yagize ati:“Bamwe mu bayobozi biyemeje kurya inkunga y’umuturage aba yarahawe na Perezida wa Repubulika, aho kuyiha abo yagenewe bo bakishyirira mu nda zabo, ubu hano muri Kinkware, ruswa dusabwa muri uyu mudugudu wa Kinkware y’Umusaya wa Mudugudu idutesheje agaciro.

Ntabwo burya ruswa ivugwa ku bayobozi b’uyu mudugudu gusa, n’ahandi nasanze bayaka umuturage, ubuyobozi nibudutabare turagowe cyane kuko aho gutera imbere turasubira inyuma, none se uransobanurira ute ukuntu nahabwa ingurube yagwingiye ngasabwa kwishyura 3, narabanje kuyondora no kuyivuza, ntibyoroshye!”.

Umunyamabanga Nshingwabikorwa w’umurenge wa Nkotsi, Munyamahoro Alexis, yagize ati:“Nyuma y’aho tumariye kumva ko habayeho uburiganya mu kugura amatungo y’abaturage adasobanutse muri gahunda y’ubudehe, mu mudugudu wa Kinkware, twarakurikiranye maze dusanga abakekwa hari ibyo bagomba gusobanura ku micungire y’ubudehe bw’umudugudu.

Barafunzwe rero barimo uwahoze ari umukuru w’umudugudu wa Kinkware, na bagenzi be 2 bari bafatanije kuyobora, Singirankabo, n’umukozi ushinzwe iterambere ry’akagari ka Bikara Semahoro Eugene, ubu rero twe ikibazo ntikikiri mu maboko yacu dutegereje ubutabera ko bukora ibyabwo”.

Abaturage bo muri Kinkware bavuga ko batasobanukiwe uburyo amafaranga ibihumbi 600 yaguzwemo ingurube z’ingwingiri 12 gusa, andi bakaba bibaza icyo ubuyobozi bwayakoresheje bikabayobera.

 

Comments

 
 
Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.