Advertisement
 
 
 
 
 
 
 
 

Amakuru | Mu Ntara | Intara

Rusizi: Yatemberejwe umujyi wose ahetse ihene yibye   

  Yanditswe na BAHUWIYONGERA SYLVESTRE
 3 months ago

 
 

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura bamaze kuzica basigaje kuzikorera.

Aba baturage bavuga ko hari n’abo bafata bazikoreye, bagasaba ko amarondo yarushaho gukazwa aba bajura bagakomwa mu nkokora bataratangira kwica abo bagiye kwiba.

Mu kiganiro n’Imvaho Nshya, umukozi ushinzwe irangamimerere,ibibazo by’abaturage na notariya muri uyu murenge, Habyarimana Déogratias, yavuze ko mu gihe kitarenze ibyumweru 2 hamaze kwicirwa mu biraro ihene esheshatu n’ingurube atahise avuga umubare, ngo aba bajura bakaba bateye impungenge.

JPEG - 116.1 kb
Habimana amaze gufatanwa ihene yari yishe (Foto Bahuwiyongera S)

Ni nyuma y’aho hari hamaze gufatwa uwitwa Habimana Maurice saa saba z’ijoro afatiwe mu rugo rw’umuturanyi amaze kunigira mu kiraro ihene ye, igihe agiye kuyisohokana bamugwa gitumo barayimutesha.

Mu gitondo bamutambagije santere y’ubucuruzi yose ya Bugarama ayihetse ku rutugu, uyu akaba ngo ari mu bajura bari barazengereje abaturage b’uyu murenge babicira ihene, akaba yarahise ategekwa kuyishyura, icyakora ikibazo ngo kiracyahari.

Habyarimana Déogratias yagize ati “Muri uyu murenge hahanze ubujura budasanzwe bw’amatungo magufi, cyane cyane ihene n’ingurube, aho bagera mu kiraro, kugira ngo badafatwa ihene cyangwa ingurube bakayiniga, yamara gupfa bakayihambira mu mufuka cyangwa bakayishyira mu gitebo bakikorera bakagenda ku buryo n’irondo ritarabukwa.

Iyo muhuye yikoreye uwo mufuka ngo ushobora kuba wagira ngo ni umuntu uzindutse ajya ahantu yibeshye isaha kuko na byo bibaho, n’andi mayeri menshi bakoresha kugira ngo bajijishe ntihagire umenya ko batwayemo itungo bamaze kwica.”

Avuga ariko ko babifatiye ingamba zikaze zirimo gukaza amarondo akanagenzurwa cyane, aho itungo ryibwe irondo ryo hafi aho ntiribitangeho amakuru ahagije rigomba kuririha.

Abaturage nabo basabwe gushyira amatungo yabo mu biraro byubatse neza binakinze neza, byaba na ngombwa bagashyiraho abazamu bayacunga, n’uwo banuganugaho ubujura bakamugaragaza hakiri kare atarakorera abantu ubugome nka buriya.

Ku byerekeranye n’uko abaturage bashobora kubyuririraho bagasubiza amatungo yabo mu nzu bararamo kubera impungenge z’uko yakwibwa.

Yagize ati “Birumvikana ko impungenge zitabura ariko turakomeza kubakangurira kutararana na yo ahubwo bagafatira ingamba hamwe zo guhashya aba bajura.

Badakumiriwe hakiri kare bazanagera ubwo ibyo byuma banigisha ayo matungo babyicisha na ba nyirayo ugasanga bibaye ibibazo bikomeye cyane.”

Ubu bujura bw’abiba amatungo bakabanza kuyica cyangwa bakayajyana kuyabagira hafi y’aho bayibye bagatwara inyama, ntiburi muri uyu murenge wonyine kuko no mu murenge wa Gihundwe bwahavuzwe, bunavugwa mu murenge wa Cyato mu karere ka Nyamasheke, abaturage bakavuga ko ubifatiwemo adakwiye kujenjekerwa, dore ko mu Bugarama hamaze gufatwa abajura 2.

 

Comments

 
 
Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.